عندي ملاحظات معليش اقرأوها :
لماذا الشركات العربية العملاقة ما تبادر لإنتاج برامج حماية عربية خاصة مثلهم مثل امريكا والروس وألمانيا واليابان وغيرها من الدول بدون تحديد اسماء للشركات لكن الغالبية عارفين مين أقصد اللي اهرونا بخدماتهم الضعيفة مقارنةَ بالفواتير التي تصدرها والشركات الأخرى المتباهية بأسهمها ليش ما يتبنون برنامج حماية من إنتاجهم ويفكونا من البرامج المصدرة الينا اللي كلنا نعرف انها مشبوهة والغير مشبوهة منها تدخلك في متاهات وهاتك مشاكل يخلونك تشك في كل شيء اعذروني على هذا الكلام لكن ياجماعة الخير انا من الناس اللي دفعت فلوس اشتراكات سنة و 6 شهور في برامج حماية مثل كاسبر وباتفندر ود. ويب و مالويربايتس وغيرها كثير وآخرتها انضربت بحق الفدية هذا وراح مني ملفات كثيرة الله المستعان حتى اني استسلمت ورحت دافع مبلغ 49.99 دولار للحساب اللي طلع لي على الملفات على اساس يتكرم السلح هذا ويفكنا شره ولكن سوالي مو واحد صفر الا 2 صفر .
والآن اذا فعلا الحاصل هو ما ذكره الاخ
ابوعاصم الصعيدى عن سرقة حصلت بين شركات .. الخ وتعقيب المراقب عليه معنى كلامهم ان الدكتور ويب اوMalwarebytes يعتبرون برامج iobit كائنات ضارة بسبب وظائفها بالتشغيل في الخلفية ويصنفوها كبرمجيات ضارة بسبب خصومات مع أوبيت (والله هذه مصيبة) اش اللي يضمن انه ان حتى الشركات الاخرى سواء منتجي الحماية او البرامج الخدمية وبالذات المتنافسة ان مابينهم مشاكل وخصومات وكل واحد منهم يفتي من عنده يعني من جد اش دخلنا في مشاكلهم العائلية كل ما وثقنا ببرنامج يطلع بعد فترة بسيطة انه خايس وانه يصنف تطبيقات الشركات المنافسة كأنها فيروسات يعني النتيجة ما تظهر لنا بصورة غير واضحة ما تدري الا وانت مضروب من فيروس حقيقي علشان ان تحديثات الحماية مركزة على برمجيات ومنتجات شركات اخرى وتروح ضحية خلاف عائلي بينهم وفوق هذا ما احد درى عنك لا كاسبر ولا د.ويب ولا غيرهم . اتحدى أي واحد يقول أنه واثق 100%100 ان برنامج الحماية الذي يستخدمه خالي من الشوائب ؟
لذا المفترض على الحكومات ان تُلزم شركات الانترنت قبل منحها الرخصة لممارسة نشاطها أن تقوم بتقديم الحماية الكاملة لعملائها من اي هجمات الكترونية وعلى مسؤوليتها القانونية والقضائية وصورة لنزاهة ههههه !!! ولا يمنع من أخذ رسوم رمزية على كل عميل مو مشكلة ،، لكن خذ انترنت ياعميل وادفع وخلاص عساك في 60 داهية ... هذا مو منطق .
مثال : عندي ملفات مهمة في جهازي او حتى جهاز العمل وتعرضت للتشفير او للسرقة زي حق الفدية وياكثرها هذه الايام .. طيب انا وش اسوي اقعد ألطم ؟
اليس من المفروض ان يتم تعويضي ماديا من مُقدّم خدمة الانترنت بسبب عدم تقديم الحماية ضمن خدمة النت التي يأخذ عليها مبالغ شهرية ؟
صدقوني لو يصدر قرار مثل هذا والله العظيم سيكون حل جذري حتى الاعلانات ماراح تطلعلك كل ما ضغطت زر فتحولي 20 الف صفحة واذا تتبعت هذه الصفحات توصلك الى مواقع شركات لها أسهم لدى الشركات المقدمة للانترنت او توصلك حتى لشركة الانترنت نفسها وتضطر انك تشترك في برامج لمنع هذه الاعلانات وأجزم ان عندهم أسهم لدى الشركات المنتجة لها او خلنا نقول لهم عوائد مادية من هذه الشركات مو شرط اسهم . وعندي مثال .... هذا الرابط
دائما معذبنا وخصوصا اللي زيي يتابعون افلام ومسلسلات على النت لما اتتبعه يوصلني الى موقع
starzplay التابعة لشبكة starz الامريكية
(مثال فقط والا فيه غيرها بالهبل) واكيد الجميع عارفين الداعمين لهذا الموقع وطبعا دعمهم له مو صدقة جارية عن امواتهم اكيد لهم فوائد.
ماعلينا .. لكن الحركات هذه مسببة ازعاج واذى وصادرة من نفس شركة الانترنت بدلاً من توفير الحماية للعميل يمارسون الازعاج ويمكن اكثر من كذا الله العالم . ناهيك عن مبالغ الفواتير والله ما تقارن بالمرة بخوارزميات الخدمات المقدمة مرة سريع مرة بطيئ مرة تقطيع ومرة سياسة عادلة ومرة ضغط ومرة سكر . وفوق هذا فاتحين المجال على الآخر لهم ولشركائهم وحامين اجهزتهم ومواقعهم واحنا ندور على برامج الحماية مين احسن من الثاني وكلها تطلع ابوكلب .
لكن لما يتاح لك جهة رسمية حكومية تستطيع من خلالها تقديم بلاغات ضد مقدمي خدمة الانترنت (صورة لنزاهة) لتعويضك لقاء ما تعرضت له من اختراق او سرقات وتشفير ملفات لابتزازك مثل الفدية وغيرها وكمان أحقية تقديم شكوى ضد الروابط والاعلانات المزعجة وتصدر لك احكام قضائية تدين تلك الشركات وتغرّمها بتعويض مالي يدفع لك كصاحب حق خاص لقاء تضررك وغرامات مالية يتم استحصالها من الشركات لصالح الدولة وبكذا انت تأخذ حقك وتساهم في ضخ اموال لخزينة دولتك .
وقتها الشركات هذه بيعرفون ان الله حق وان أذية الناس وازعاجهم علشان شوية فلوس بتكلفهم ثروات وحتى يمكن يصل الأمر الى إلغاء تراخيصهم .
ملاحظة اخيرة : هيا بالله اللي يدعمون ستارز بلاي ليش ما ينتجون ويطورون برنامج حماية ويترزقون الله عن طريقه منها يستفيدون ويُفيدون والا طموحهم واقف على هذا اللي افلامه ومسلسلاته كلها ابوكلب .
فضفضت من غبنة لا احد يدقق في الاخطاء الاملائية .
محدش يزعل مني
