Ali Ramadan
زيزوومي VIP
غير متصل
السلآم عليكم ورحمة الله وبركآته
في الفترة الماضية أدمنت لعب الطائرات النفاثة أو الـJETS في بتلفيلد 3
لدرجة أني ما ألعب بأي شي غيرها .. حتى لو طلعلي ماب
ما فيه طائرات نفاثة .. أطلع للقائمة الرئيسية وأدخل من جديد
فقررت بناءًا على فترة لعبي الطويلة جداً لهذه الإضافة الرائعة
طرح تجربتي لكم .. أستنادًا على كثير من الفيديوهات والمواقع
بإذن الله بعد ما تقرأ الشرح كآمل راح توصل لمستوى ممتآز في الـJETS
ما أقدر أقولك أنك راح تصير محترف .. لأن مرحلة الاحتراف في أي شي
توصل لها عن طريق الممارسه بالغنى عن أي شرح .
نبدأ بسم الله :
أولاً : أنواع الطائرات النفاثة وتواجدها
انا أفي بداية لعبي في بتلفيلد 3 كنت ما أقدر أركب الـJETS وما أعرف أصلاً
وهذا لأنها غير موجودة إلا في ألعاب وخرائط معينة فقط
الخرائط التي تتواجد فيها الطائرات النفاثة :
- Operation Firestorm
- Caspian Border
Kharg Island -
وحتى لو دخلت في أحد هذي المابات
تستغرب أنك ما تحصّل الـJETS
وهذا لأنها موجودة في لعبتين ( طورين )
وفي كل طور تختلف الطائرات عن بعضها :
1- طور Rush
في هذا الطور يمتلك كل فريق طائرة واحدة
الفريق الروسي يمتلك طائرة من نوع SU-39
الفريق الأمريكي يمتلك طائرة من نوع A-10
2- طور Conquest
وهو طور الأعلام .. وفي هذا الطور يمتلك كل فريق طائرتين
الفريق الروسي يمتلك طائرتين من نوع SU-35
والفريق الأمريكي يمتلك طائرتين من نوع F/A 18
تتميز الطائرات في طور الأعلام ( Conquest ) بخفتها وسرعتها
ووجود طائرتين يضمن لك حقك في ركوب الطائرة
بعكس طور ( Rush ) ..
مع ذلك أنا أنصح وبقوة بطائرة SU-39 الموجودة مع الفريق الروسي
في طور ( Rush ) إن كنت تريد أن تتعلم الطائرات النفاثة
مميزات هذي الطائرة
- توصل لسرعات عالية
- فيها القدرة على المشي بسرعات قليلة
- دقيقة جداً
- العدو راح تكون معه طائرة A-10 ..
وهي بطيئة ومخصصة لضرب الأهداف الأرضية
وهذا يعني أنك متفوق على عدوك في خفة وسرعة الطائرة
وتقدر تفجره وأنت مرتاح .
~ من المعلومات اللي لازم تعرفها أنك تقد تختار الطائرة كـ( Spawn ) لك
وأن كنت مثلي ما تلعب إلا بالـJETS .. لا تدخل القيم
أنتظر الطيارة تطلعلك وأركبها مباشرة
ثانياً : أساسيات و نصائح في قيادة الطائرة
القيادة هي من الأشياء اللي ما يقدر يشرحها لك أي شخص
مار اح تعرف الطريقة الصحيحة لقيادة الطائرة إلا بكثرة اللعب بها
أيضاً من غير المنطقي أنك تبدأ من الصفر
عشان كذا أنا راح أعطيك شوية نصائح في القيادة
والباقي على ممارستك للعب في الطائرة النفاثة
- أول النصائح هي أنك تخلي الصورة من برا ( وضع القيادة الخارجية )
بالضغط على الأنالوج ( R3 )
- الميزة .. أنك تقدر تشوف كل الجهات المحيطة بالطائرة
واهمها الجناحين
لو لمس الجناح أي شي .. راح تنفجر الطائرة مباشرة
وتقدر برضو تشوف الطيارات الثانية اللي تمر جنبك أو تعدي من تحتك
بعكس الصورة الداخلية .. ما تشوف إلا اللي في وجه الطائرة
- من المهم أنك تعرف متى تنقص وتزيد السرعة
وأغلب اللاعبين .. يحسب سرعة الطائرة ثابته .. أو تتغير تلقائيًا
في أثناء الالتفاف إضغط L2 لتقليل سرعة الطائرة
وهذا يساعدك على انك تلف بشكل أشرع
وإضغط R2 لزيادة السرعة بعد ما تلف
أيضاً أضغط الأنالوج الأيسر ( L3 ) لتشغيل المحركات بشكل أقوى
وهذا ما أنصح فيه إلا إن كنت تمشي بشكل مستقيم
وأثناء عملية الإقلاع
الرقم داخل الدائرة الزرقاء هو سرعة الطائرة
الرقم داخل الدائرة الحمراء هو الارتفاع عن سطح الأرض
شرحنا أهمية السرعة ومتى تقللها وتزيدها
يبي يجيني واحد يقولي ( وش فايدة الأرتفآآآع ؟ )
- الأرتفاع من الأشياء اللي لازم تنتبهلها
فلو زاد الأرتفاع عن 900متر راح تلاحظ أن الطائرة ما تتحرك
وبشكل أدق ( معلقة في السماء )
ولما يقل الأرتفاع عن 100متر راح تلاحظ كثرة ارتجاج الطائرة
هذا كلة بسبب كمية الأكسجين في المنطقة اللي أنت فيها !!
لا تستغرب
الفيزيائية عنصر أساسي في لعبة تملؤها الواقعية مثل Battlefield 3
- من الأشياء اللي لازم تعرفها أنك تقدر تهبط بالطائرة في أي وقت
الطريقة سهلة .. قلل السرعة وخلك قريب من الأرض
راح تلاحظ أن كفرات الطائرة طلعت .. وقيادتها صارت أثقل
هذي الحركة تكون حساسة أكثر لما تكون قريب من المدرج
وهذا الشي لازم تنتبهله عند مدرج الأعداء
خلك مرتفع عن الأرض حتى ما تتحول الطائرة لوضعية الهبوط وتتورط
لأنه راح يسهل على أعدائك تفجير الطائرة
- في بعض الأحيان
لما تقلع وتنحرف بشكل كبير عن المدرج
راح تلاحظ نفس الشي
كفرات الطائرة ما دخلت .. والتحرك فيها ثقيل شوي
هذي من الأخطاء في اللعبة ( والأخطاء نادرة جداً )
عشان كذا لما تقلع خل الطائرة تمشي بشكل مستقيم
إلى أن تبتعد عن المدرج .
ثالثاً : إضافات الطائرة
من المهم أنك تعرف أهمية كل إضافة تطلعلك وطريقة عملها
وانا راح أشرح الإضافات كاملة بإذن الله ..
أبتداءًا من أول إضافة تطلعلك إلى آخر إضافة
IR FLARES
الشعلات وضيفتها أنها تبعد عنك الصواريخ الحرارية
صحيح أنها أول شي يطلعلك لكنها مهمة جداً
وهي وحدة من 3 إضافات .. ما أنصحك تغيرها
وهذا راح يكون شكلها لما تطلقها أو يطلقها شخص ضدك
( اطلاقها يتم باستخدام زر R1 ) :
نجي للإضافة الثانية
Heat Seekers
هي عبارة عن صواريخ حرارية لا تستطيع إطلاقها إلا بعمل LOCK على الخصم
كما هو موضح بصورة :
وعشان تعمل Lock لازم تكون طائرة الخصم داخل الدائرة
اللي في شاشتك لفترة قصيرة
ومن الأخطاء الشائعة .. أنك لما تسوي LOCK على خصمك تطلق صاروخ واحد
وهذا يأثر بطائرته فقط
هي في الحقيقة صاروخين ( إضغط L1 مرتين ورا بعض )
وبكذا راح تفجر الطائرة اللي قدامك بشكل سريع
Stealth
هذي وضيفتها أنها تطيل من عملية ضربك من قبل الأعداء
في الصواريخ الحرارية
أو بالأصح .. تخليهم ياخذون وقت أطول حتى يعملون عليك LOCK
Belt Speed
هذي تسرع أطلاق السلاح الأساسي ( الرشاش )
وهذا يزيد من تأثير الرشاش على طائرات الخصم
وتفجرها بشكل أسرع
Proximity Scan
رادار مساحته صغيرة يكشف تحت الطائرة فقط
ما أنصح فيه أبداً
Rocket Pods
عبارة عن 14 صاروخ
تطلقها في أي مكان تريد ( مثل الرشاش )
وحدة من أقوى الإضافات
وأنصح فيه وبشدة
راح أشرحلك بعدين ليش هو من الإضافات القوية والمهمة
Air Radar
عبارة عن رادار يأتي بدل الـ mini map
يكشف كل شي حول الطائرة
هذا مهو من أقوى الإضافات .. هو الصراحة
( أقوى إضافة بلا منازع )
يغطي مساحة كبيرة حول الطائرة
ويوريك الطائرات اللي تلحقك
ويوريك الطائرت اللي أنت تلحقها وضيعتها
وفوق كذا .. يوريك أي دبابة وأي مدرعة تمر من فوقها
وما تشوفها بعينك
مهم جداً وراح يفكلك نكبات كثيرة
Extinguisher
لما تنقص طاقة الطائرة عن 30% تشتعل
وتبدأ طاقتها تنقص تدريجياً إلى أن تنفجر
هذي الإضافة تمنع التناقص التدريجي في طاقة الطائرة
وترفعها إلى 50%
هذي راح تحطها بدال الـIR FLARES
يعني أي صاروخ راح يضربك
وهذي الإضافة ما ترفع طاقة الطائرة مباشرة
تظل فترة ثم ترفع الطاقة ..
فيه ناس كثير تحتار بينها وبين الـ IR FLARES
انا جربتها وما قدرت ألعب .. كل دقيقة تنفجر طيارتي
أنت جربها وأحكم بنفسك
Maintenance
لما تنقص طاقة الطائرة وتكون فوق 30% ( قبل الاشتعال )
في حال ما أحد طلق عليك .. طاقة الطائرة ترتفع تدريجياً
إلى أن تصل 100%
هذي الإضافة تزيد سرعة عملية إصلاح الطائرة
لكنك راح تحطها بدال الـ Air Radar .. وهذا غلط كبير
Guided Missile
نفس طريقة الصاروخ الحراري ( Heat Seekers )
لكنه مخصص للأهداف الأرضية .. اللي هي الدبابات والمدرعات
وضرره كبير
أيضًا إضافة رائعة
أنصحك تحطها إذا كان اللي ضدك مكثّر من الدبابات والمدرعات
ويصعب عليك تفجيرها باستخدام الـ14 صاروخ
ميزته أنه يخرّب الدبابة من أول ضربه
ويفجّر المدرعات بشكل مباشر وسريع
Beam Scanning
تزيد سرعة إطلاق الصواريخ الحراريه
وبشكل آخر : تخليك تسوي Lock على الخصم بشكل أسرع
وهي فعالة في الصاروخين كلهم (Guided missile و Heat Seekers )
هي على حسب لعبك .. إن ككنت من اللي يستخدمون الصواريخ
بشكل مستمر حطها
مع العلم أنها راح تكون بدال Air Radar
ECM Jammer
يمنع الأعداء من ا لتبليغ عليك ( Spotting )
ويمنع الصواريخ الاحرارية من ضربك في حالات معينة
هذا هو الشي الوحيد اللي ما جربته في إضافات الطيارة كلها
لكنه مو بذيك الأهمية
________________
توجد ثلاث مجموعات لإضافات الـJETS
كل مجموعة لها ميزاتها
الإضافات الموجودة في الصورة أعتبرها أفضل إضافات
تنفعك في كل شي تقريبًا
وهذا ما يمنعك من تجربة الإضافات الثآنية
جرب أي إضافة تطلعها
يمكن تكون طريقة لعبك مختلفة عن باقي اللاعبين
رابعًا : كسب النقاط وتلفيل الطائرة
طرق كسبك للنقاط ( أو الـ Score ) كثيرة .. ومنها :
~ إسقاط طائرات العدو
طبعاً هذي شي أساسي وضروري تتقنها
وبعد إتقانك لإسقاط طائرات الأعداء
ما راح تحتاج أي شي ثاني
كثير من اللاعبين يقولون ( نطلق على الطيارات الثانية وما يصيبها الطلق !!؟ )
أنا كنت واحد من هاللاعبين .. ويرجع هالشي إلى سببين :
1- مكان إطلاق الرشاش
انا كنت أحسب أن الأطلاق تطلع من الصليب اللي داخله دائرة صغيرة
واللي مأشر عليه بالصورة باللون الأزرق ..
هذي وزنية الطيارة .. أو بالأصح قوة أنحراف الطائرة
وهي تتحرك بشكل كبير .. لدرجة أنك تلاقيها بعض الأحيان
في زاوية الشاشاة
الأطلآق !! تطلع من الصليب الصغير اللي جوا الدائرة
واللي مأشر عليه بالصورة باللون الأحمر
وهو يتحرك تحرك بسيط لليسار أو لليمين
بدون ما يطلع من الدائرة
2- بعد طائرة الخصم والالتفاف
طبعًا الأطلاق ما توصل مباشرة لطائرة الخصم
فكلما تحرك خصمك .. أنت أطلق على الجهة اللي هو متوجه لها
لو كان يلف لليمين مثلاً التفاف خفيف.. أطلق أنت يمين طائرته
وكل ما زاد ألتفافه زد مسافة الإطلاق
مثل ماهو وآضح بالصورة .. قاعد يطلق قدامه بمسافة كبيرة وأنفجرت الطائرة
هذا الشي مثل باقي مهارات القيادة .. تتقنة بكثرة اللعب بالطائرات النفاثة
ملاحظة :
سبق وقلنالكم أن الطائرة لما تخرب ( تقل طاقتها عن 30% )
تبدأ تنقص تدريجيًا إلى أن تفجر .
في حال خربت طائرة خصمك وتركته ينفجر من نفسه
تاخذ 100 نقطه للتخريب و50 لتفجير الطائرة
المجموع = 150 نقطة
بيمنا لو تضل تطلق عليه وتفجره بشكل سريع
تاخذ 100 نقطة للتخريب و100 كقتلة عدو و50 لتفجير الطائرة
المجموع = 250 نقطة
~ حشر مدرج الأعداء
هذي وحدة من أقوى التكتيكات في اللعبة ..
حاول أنك ما تسمح لخصمك بأنه يقلع بالطائرة
( فجرها وهي على المدرج قبل الإقلاع )
أنا سبق وقلتلكم أن إضافة Rocket Pods هي أقوى سلاح للطائرة
هنا تكمن فايدته القصوى
تقدر تفجر الطائرات على المدرج باستخدام هذا السلاح من مسافات بعيدة
أيضاً .. تقدر تفجر طائرتين بجنب بعض بكل سهولة
ميزة هذي الاستراتيجية .. أنك تفجر الطائرات بشكل
سريع وهي ثابته على الأرض ما تتحرك .. مثل ما قلت بالملاحظة اللي فوق
راح تاخذ 250 نقطة على كل طائرة تفجرها بشكل سريع
إيضًا .. ما راح يفرق معك اللي راكب الطائرة
المحترف والنوووب مثل بعض وهم على الأرض ( أثناء الإقلاع )
الطريقة هي أنك تجي من خلف مدرج أعدائك
وتقلل سرعة الطائرة بالضغط على L2 وتصوب على مكان الطائرة
ولما تطلع تفجرها مباشرة بدون أي تعب
يبي يجيني واحد يقول ( أفجر الطيارات ويطلعون مره ثانيه ويفجروني !! )
هذي بسيطة ياخوي
مع كثرة لعبك بالـJETS راح تكون عندك فكرة للوقت اللي تاخذه الطيارة
على بال ما تتطلع مره ثانيه بعد ما تفجرها
إذا عرفت الشي هذا يكون وضعك عسل ..
~ تفجير المركبات الأرضية ( الدبابات والمدرعات )
أيضاً شي بسيط
تقدر تفجر الدبابات بالرشاش بدون أي أسلحة إضافية
لكن لما تطلعلك إضافة Rocket Pods ..
حطها وراح يسهل عليك تفجر الدبابات وغيرها
المشكلة في هذي الطريقة
هي أن طائرات أعدائك ما راح تتركك
وتسببلك مشاكل في الجو .. وراح يسهل
عليهم تفجيرك إذا تركتهم
ملاحظة :
صوّب على المكان اللي تتوقع أن فيه دبابات أو مدرعات
وأضغط زر Select بشكل متكرر
راح تطلعلك الدبابات بشكل واضح وتقدر تفجرها من مسافة بعيدة
~ تركييب M-COM
هذي الطريقة للي وضعه صعب
وما عنده أي أسلحة وأي شي يساعده في كسب النقاط
الطريقة هي أنك تركب البوم ( M-COM )
وتضغط Start وتنتحر عن طريق خيار Suicide
وتركب الطائرة من البداية مثل ما شرحتلكم في أول الموضوع
راح تجيك 500 نقطة كلها راح تحسبلك كنقاط للطائرة
هي صحيح فيها تحايل .. لكنها راح تسندك في بداية المشوار
إذا كان مافي منك أمل ..
بكذا أكون أنتهيت من الشرح
وحبيت أوريكم مقطع لشخص أجنبي
ما أقدر أقول عنه محترف .. في الحقيقة
هو قطع الاحتراف تقطيع .. حاولت أصير مثل هالإنسان وعجزت
يجب عليك تسجيل الدخول أو التسجيل لمشاهدة الرابط المخفي
قبل ما تلعب بالطائرات النفاثة تفرج على هالمقطع
حتى تتحمس وتلعب زين .. خخخخ مزحه مزحه
أتمنى تكونون أستفدتم من الشرح
ولا تحرموني إنتقاداتكم .. لأنها راح تنفعني كثير
~ دمتم بود ..
منقول
