هلأ يا غالي
بالنسبه للهاردسك 320 قيقا يستخدم لابديتات الالعاب والاغاني والافلام والصور والالعاب الي تشتريها من الستور الي في السوني 3 سوني 3 تختلف عن سوني 2 حجم ابديت العبه يبدأ معك من 50 ميجا الى 3 قيقا حسب العبه
وبالنسبه لتحميل الالعاب من التورنت لازم يكون البلاستيشن لديك مهكر حتى تستطيع تحميل العاب ونسخها للسوني 3
اخى الكريم على رمضان شكرا على الرد السريع وهل لى من مزيد من الاستفسارت لو سمحت
1 - بالنسبه ليا انا لا اعتقد انى لن اشترى اى شئ من سونى ستور لا العاب ولا الفلام ولا اغانى ولا غيره
كفايه عليا الكمبيوتر والجالاكسى نوت والنوكيا ى8 والاتش تى سى بصراحه انا دماغى مفيش ليها مكان للسونى كمان
المهم اخى الكريم يعنى هل انا استطيع وضع بعض الافلام او الصور او الاغانى من على الكمبيوتر الخاص بى ونقلها الى البلاى ستيشن ومشاهدتها من جهاز البلاى ستيشن ام لا بد ان اشتريها من سونى ستور
واذا امكن النقل من الكمبيوتر للبلاى ستيشن فكيف هى طريقه النقل لو تفضلت
2 - حوار لازم يكون جهازى مهكر خلينا بعيد عنه الحوار ده وكفايه علينا نسخ الويندوز على الكمبيوتر وفك البوت لودر على الاتش تى سى وفك الحمايه للشبكه والتفليش للرومات على جالاكسى نوت كفايه كده خلينا مره نشتغل شغل فى المضمون
3 - يعنى مافيش اى امل انى انزل لعبه من موقع تورنت ليش فى يوم من الايام والعبها على البلاى ستيشن اللا فى حاله انى جهازى مهكر - يبقى من الافضل اشترى الالعاب وخلاص خصوصا انها اسعارها بتتراوح من 15 الى 20 يورو يعنى مش مشكله لو اشتريت 5 العاب وخلاص - طبعا العاب السنه بتكون نار نار زى فيفا 2013 سعرها حوالى 65 يورو
نصبر للسنه الجايه هتبقى ب 20 يورو زى فيفا 2012
اتمنى منك اخى الكريم ان تتقبل استفسارتى بصدر رحب ولا اكون تسببت فى اى قلق لك
خصوصا انى لسه جديد فى عالم البلاى ستيشن خالص والمثل بيقول الغريب اعمى ولو كان بصير
فى انتظار الرد من حضرتك اخى الكريم خصوصا موضوع نقل الافلام من الكمبيوتر الى البلاى ستيشن
على الاقل نستفيد من الهارد اللى مع الجهاز ومايبقاش للالعاب فقط