◕‿◕ ثَبــآتــْ •• إصـــرآر وُ عـَزيمــَـــة •• رغـــــمْ الآلم ◕‿◕

[غَيّوضْ]

تصبحون على خير .،~|

​

.،~|


​

 

[غَيّوضْ]

مسآء الروز .،~

​

أسعد الله مسآئكم بكل خير حبايبي روآد المملكة
تسجيل حضور ويمكن اليوم ما أتواجد كثير بالمملكة لأن اليوم خميس وماأدراكم ما الخميس
أووووم الإزعآج والقلق وبيبدأ بعد شوي :q:
بس لا تخافون أحدآث اليوم كلها بسجلها بالميموري وأجي أسدحها لكم لو آخر الليل أو كل ماسنحت لي الفرصه :d:
دووووكم هالورد لعيونكم

.،~|​

 

[غَيّوضْ]

الواتس آب قلق

​

قلق ومصآخه مثل بنت عمي وأختي ماشفت :cr:
الصبح الساعه 5 ونص ما اسمع الا صوت الواتس آب طنن طنن وأقوم كذا
من اللي بيرسل هالحزه :?:
وأناظر الا التسلبة اختي نايمة عند بنت عمي ومرسله تقول ناظري فطورنا انا وبنت العم
ولو تشوفون الفطور الله يزيد النعمه برباااااس

شوفووو

انا قلت الحين بقوم اشوف كرواسون وكوفي والا وافل
بس مااااااااالت عليهم بلى مااااااااالت

.،~|


​

 

[غَيّوضْ]

اضحكوا شوي هههههههههه

​

محشش يسأل خويه
لو أشرب عرق أسكر ؟؟؟
قال اكيد طبعاً ..
قاله طيب لو أشرب مزيل عرق يروح

صيني طالع للجبل يبي يسمع صدى صوته

قال : هنغ يانق تشانق
رد عليه الجبل قاله وش تقول

محشش جالس يصلي ويأكل علك !
أزعج اللي جنبه بصوته وتضايق منه ويبي يفهمه هالشي مايصير :cr:
قام دفه مع يده وأشر على فمه
قام المحشش رد عليه قال والله مامعي غيره

.،~|​

 

[غَيّوضْ]

صبآح الخير .،~

​

صباح الخير.. على قلبكم
صباح الخير .. على نبضكم
على احساسكم .. على أنفاسكم
وتاج ألماس .. على راسكم






.،~|​

 

[غَيّوضْ]

وش اسوي الحين ؟؟

​

ياشين النوومه اللي مب بوقتهااا
يقوم الواحد ومزاجه مدري وشلون قايل ولا يدري وش يسوي :f:
بس الوكاد المطعم اللي تعشينا فيه اليوم حاط بالأكل منوم والا بلى :cr:
ماقد صااارت معي مدري وش السالفة وعاد من زين اكله ماعجبني او يمكن اللي طلبته مااش ماجا عالمزاج << تورطت مب عاده تطلب شي مي زين

طالعين من صلاة المغرب ولا رجعت للبيت الا 11
صدق لا قالوا حريم من سوق لمطعم لسوق مرة ثانية مدري وش نحس فيه

بس ترى انا مب معهم بالسوق مرة ثانية ،، جلست بالسيارة لين خلصوا واحلى شي الواتس آب شغال بأي مكان أوووم الفلة ما تمل تجلس تسولف لين ترجع

ولو مامعي الواتس أب كان نايمه بالسيارة :cr:
ومن وقت اللي وصلت وانا اجدع روحي عالفراش ولا قمت الا تووو
وش اسوي الحين :?:






.،~|
​

 

[غَيّوضْ]

آخر العنقود .،~

​

أنا آخر العنقود مالي شغل

حنا أربع خوات :d:
طبعاً فيه أكبر مني ثنتين وبينهم ولد وأنا أصغر شي قبل لا تخرب علي أختي الصغيرة :cr:

طبعاً تدلعت 7 سنين وناااااااسة ما جا عقبي أحد :y:
بعدها اندق خشمي بأختي

كانت أمي مقسمه الشغل على خواتي يعني وحده يوم تمسك المطبخ والثانية تمسك البيت

وأنا بين الثنتين مالي شغل محدد بس أحيان يقولون لي رجعي الصحون بالدواليب
هذا أكثر شي والا لمي الغسيل من المنشر وحطيه بالسلة

أحلى شي اليوم اللي يصير دورها بالبيت تبدأ تحوس وتخرب بالمطبخ عشان يزيد الشغل عاللي عليها المطبخ
والعكس صحيح اللي دورها المطبخ تبدا تحوس بالبيت

أنوااااع النذااالة :q:
وتعالووو شوفوو الخناق مافي الا يمااااااااااا ويباااااااااااااا

​

أياااااااام بجد لما نذكرها الحين نحن لها كثير وريتها ترد :f:​

<<< مب عشان شي عشان تصير آخر العنقود مافي احد وراها :y:​

​

.،~|
​

 

[غَيّوضْ]

نسكافية

ايه وكان عندي شغلة ثانية بعد تخصص محد يسويها الا أنا :d:
النسكافيه :y:

كان ابوي يشرب أحلى نسكافيه من يدي ولا يطلبه من أحد غيري << براااا

كنت اوزنه له بالملِ يعني مثل مايحب لازيادة ولا نقصان وخلاص تعود علي
وإذا صرت نايمه والا شي خلاص هو يسويه مايخلي أحد يسويه له :d:




.،~|​

 

[غَيّوضْ]

مسكت على كبسه أخر الليل ههههههه

تصنيفه آخر الليل عالساعة 2 أنا وأخوي :d:
الا نسوي كبسه هههههههههههههههههههه
الأهل نايمين وحنا بالمطبخ أنا أقطع وأجهز وهو مسوي عمي الطباخ

وهو م.م.ج

جاني قال فلااااااانه وشرايك نسوي كبسسسه :?:
قلت كبسه كبسه يالله قدام :y:
والله ندخل المطبخ بشويش ونجلس نحوس لنا أكثر من ساعتين مدري وش نسوي تراها كلها كبسة دجاج :cr:
المهم يوم ما بقى الا نحط الرز

وجا ابو العريف اخوي مسوي فاااهم ويحط الرز مدري وشلون المهم ترك الرز على النار والظاهر ماقصر عليه :er:
وصارت لكم أحلى عجينة كبسة محروقه بريحة الحطب

وأنا اللي اجلس ابخبخ عليه

والله راح التعب خسااااااارة بس أحلى شي الطنازة ماخليت ولا بقيت عليه

ياشين التفلسف

بس وين ماكلينها ماكلينها الله لا يعوق بشر عجينه محروقه نبي ندبغ

​

.،~|



​

​

 

[غَيّوضْ]

فاطمة و ناصر ؟؟؟!!!

واقعهـــ حقيقية شهدتها بأووم عيني <<<< أتعب عالفصحى :q:
فاطمة
تدرس بالصف الثاني ثانوي
زميلة معنا بالمدرسه نعرفها معرفة زمالة وليست صداقه :d:
>>>> الفرق بين الزمالة والصداقة ،، مثل ماتعرفون
ان الزمالة معناها انه ليس هناك علاقة حميمة على عكس من الصداقة فالعلاقة تكون حميمة وودية
فاطمة نشوفها يوميا بالمدرسه بنت عادية هادية
أممممممم يعني مافي أي ملاحظات عليها تميز شخصيتهااا :u:
عدا انها بنت ضخمة طويلة نوعاً ما صوتها أجش يعني خشن شوي هذا اللي أذكره منهاا

مستواها الدراسي عادي يعني خلاصة الموضوع بنت عادية جداً :d:
نجي لــ ناصـــــــــــر
مثله مثل أي شاب مراهق كمان بالمرحلة الثانوية ولا عندي عنه أي معلومات الا انه مثل هالشباب اللي بالشارع يطاردون ورا هالبنات :cr:
لكن ؟!؟
اللي عرفته أن فيه علاقة قوية بين
فاطمــــــــــــه
و
ناصــــــــــــــر

وش تتوقعون هالعلااااقة :?:





.،~|
​

 

[غَيّوضْ]

نحاول نعرف ايش العلاقة !!

​

أيش ممكن تكـــــــــــــــــون هالعلاقة :?:
نقول أخ وأخت مثلاً !؟!
حبيبين مثلاً !؟!
عيال عم مثلاً !؟!
عيال خال مثلاً !؟!
جيرااااان مثلاً !؟!
اي علاقة قرابه من أي نوع مثلاً :i:
يعني بالمختصر المفيد اللي يجي ببالنا انه العلاقة اللي بينهم مارح تكون أكثر من كذا لا يمكن :no:
هذي العلاقة الطبيعيه نقدر نقول عليهااا k:
بس للأسف العلااااااقة كانت غير هالعلاقات اللي ذكرتها وتختلف عنهاااا نهاااائي
نفكر مع بعض ايش ممكن تكون العلاقة اللي بينهم بغض النظر عن العلاقات اللي ذكرتها لأنه ولا وحده من هالعلاقات
كانت بين فاطمـــــــــــــــــــــــــه وَ ناصــــــــــــــــــــــــــر

​

انتظر تخميناتكم بالتقييم وياويل اللي يقرا القصه ولا يرسل تخمينه :cr:
ولا رح أقولكم ايش العلاااقة لين اشوف كم تخمين عليها :d:




BrB


.،~|

​

 

[غَيّوضْ]

تصبحون على خير .،~|

وبإنتظاركم يوم غداً :




.،~|​

 

[غَيّوضْ]

مسآء الورد .،~

أنآ جيت :d:
>> ارجعي بيتكم :q:




.،~|​

 

[غَيّوضْ]

تابعوني .،~

رح أتابع معكم القصه بس بعد ما اسرد لكم التقييمات والتخمينات :d:
أدري مصختها بس كذا المخرجين يسوون بالافلام << براااااااا :q:





.،~|​

 

[غَيّوضْ]

وقفة مع التقييمآت 10

والله اكاد اموت من الضحك في نادي الانترنيت لما قرات مدونتك والناس كلها تلاحظني ياخوفي يتهموني بالجنون كل منوراء سواليفك اللي بالمدرسة/شقية/ هههههههه//

وش اسوي لازم اسوي اكشن عشان اصير مشهوره :q:

يوه يوه قسم شكله بيجيكم مغص صدقيني <~ ولاتقولين اني ماحذرتك ههههههههه <~ كنت هنا

هو شكله بيجينا الا جانا وخلص :hh:

ههههههههههههه يازينك وانت معصبه وهذا المطلوب وتبين الصراحة الوالدة على راسي وتاجه بس خواتي *********** ابي افتك منهم والله من كثر الاسواق والمولات ****** قلق وبعدين لاتسوينه بالتقييم بس عشان اوضحلك ^^

اييييييه انتص واوقف عدل ومو على كيفك ما احطه بالتقييم :q:
شفرته وابن امه مب عارفك :kmj-by0000 (72):

الله يرحمها والدتك الإنسان بدون أم ما بسوى شئ ربي يسعدك يا أطيب مديرة ويا رب البسمه ما تفارق وجهك الكريم تذكرينا بالخير دوما

اللهم اميييييين ويرحم اموات المسلمين أجمعين
الله يجزاك خير

اولا الله يرحم امك وامي وجميع الموتى المسلمين::: ثانياً : الله على السريلاك ::
كنت هووون

اللهم امين ويرحم اموات المسلمين أجمعين
وليكون انت من ربع السيريلاك :cr:

ههههههههه ،، هالبلاك بيري اشغلك هههههه / محد

بالحييييييل ماعاد عرفت النوم من ططن ططن :cr:

مين الي نايمه يا كونداليزا رايس ؟!

عدال يا اوباماااا هذي بنت جيرانا اللي بالشبكه العنكبوتيه :q:

متابع لك من بعيد . موفقة اخيتي

وليش من بعيد قرب شوي عشان تتابع عدل :q:

اذا ماهوب بوحده من هالعلاقات اجل وش بتكون مثلاً مايصير يمكن علاقة مسيار *_* ياويلك اذا كنتي تتمقلبين علينا جلست ابرم بمخي الين طفشت وبإنتظار الجواب

ههههههههههههه
هذا اول تخمين وتابعني بباقي القصه :d:

العلاقة الي بينهم علاقة ام وابنها

ثاني تخمين وتابعني بباقي القصه عشان تعرف العلاقة :d:

تسلمي على التقييم وعجبتني الصورة في آخر مشاركة لك في المدونة

العفووو وحياااك الله :king:

التخمين : يمكن سواق مزرعتهم

ثالث تخمين وتابعني بباقي القصه لمعرفة العلاقة :d:

الف مبروك على افتتاح المنتدى الجديد

الله يبااارك فيك وبإنتظار مدوناتكم

شوفي يا ميمو وربي من يوم قلتي (انها بنت ضخمة طويلة نوعاً ما صوتها أجش يعني خشن شوي ) حسيت العلاقه انها ثنين في واحد يعني هي بنت وتحولت ولد لا تلوميني على هالتفكير مخرعاتنا هالبويات ههههههه الله لا يبلانا //أذكى وأحلى نوف فيس يرمش بعنونه

وهذا رابع تخمين وتابعيني يالعنززز عشان تعرفين العلاقة :d:
​

 

[غَيّوضْ]

عودهــ .،~

​

اكمل لكم باقي القصه اللي مصختها معكم واكيد انكم تحتمسووون الحين تبون تعرفون :hh:
التخمينات اللي وصلت :
1- مسيار !
2- ام وابنها !
3- سواق المزرعه !
4- اثنين في واحد !
بصرآحه تخميناتكم كلهاااا حلووووة :d:
وبالفعل فيه تخمين واحد صحيح 100 % اللي هو الرابع تبع نوف وهـ بس يالبى قلبها الذكية طالعه علي << براااااا :q:
فاطمه وناصر فعلاً شخص واحد
تخيلووو اللي كان معنا بالمدرسه ولـــــــــــــــــــــد زين ما طرا له يوم يجي يمطخنييي وعععععععع :cr:​

​

نجي للسؤال المهم جداً
كيف كان كل هالوقت معنا بالمدرسه ولا اكتشفنا انه ولــــــــــــــــــــد :er:
وكيف تم الإكتشاف بعدين :?:
طبعاً جت فترة لفاطمة تغيبت فيها عن المدرسة ولا أحد يعرف وش السبب
ومن فترة غيابهاااااا ماعاد رجعت للمدرسه :no:
وبيوم من الأيام وحده من البنات اللي كانت قريبه منهااا
قالت قصة فاطمة
اللي هي طبعاً لما زاد تساؤل البنات وينها وينها قالت بصراحه انا اعرف عنها كل شي
وش فيه وش مافيه طبعا لقااافة كلن يبي يعرف

وقصت لهم السالفة ان فاطمة كانت تعاني من زيادة في الهرمون الذكري وهذا كان سبب في ان صوتها خشن مثل
ما قلت لكم قبل وطبعا على حسب كلام المقربين لها ان كانت تصرفاتها ذكورية وحتى الشعر كان يطلع بوجههااا

بس كانت تشيله فطبعاً غيابها كان بسبب العملية اللي أجريت لها لتتحول إلى ذكر رسمي وبدون تردد وسمت نفسها ناصـــــــــــــــــــــر

وبس هذي كل القصه :d:





BrB طويييييييل مطافيق الجمعه وصلوا بس قلت بجي اكمل لكم اكيد تنتظروني :q:


.،~|
​

 

[غَيّوضْ]

عجييييييب .،~

Back
ايه صح نسيت اقولكم :
الغريب بالأمر والعجيب اللي طارت عيوننا منه
ان فاطمة بعد التحول وبعد ماصارت ذكر رسمي صارت تطارد ورا البنات بالشارع تغازلهم :hh:
وربي ما انساه هالمنظر شي يفطس ضحك بعد ما كانت معنا بالمدرسه وحالها حالنا صارت تطارد ورانا بالشارع تغازل والله

ونحمد الله على الصحه والعافية والله لا يبلانااااا





.،~|​

​

 

[غَيّوضْ]

غموووض .،~

يوم من الأيام رجعت من المدرسه عادي مثل كل يوم
بس كان هاليوم فيه احساس غريب وفيه حركه بالبيت غريبه وغامضه :?:
ايش هي وكيف مدري بس كان شعووور غريب :i:
علامات الإستفهام كانت مرسومه بقوة على وجه أبوي وأخوي وكأن عندهم شي بيقولونه ومترددين فيه :?::?:
حنا البنات وأمي الله يرحمهاااا نناظر ببعض ونحتري شي
وقلوبنا بدت ترقع فيه شي بس مو عارفين وشوو :no:
نتسائل وش فيه أشكالكم متغيره فيه شي :?:
يقولون لاااا مافي شي

تمينا فترررة وحنا بحيرة والله شي يقهررررررر تحس ان فيه شي ولا يعلمونك ويخلونك على ناااااااار

طبعاً فترة من الزمن والصمت يسكن المكان مع نظرات الإستغراب والحيرة على وجه أبوي وأخوي

أمي الله يرحمها طبعاً ماتحملت المنظر قلبها يغلي وتصرخ بوجههم بتقولون وش فيكم والا لأ

على طول رد أخوي بدون مقدمات :
ولد خالتي فلااان **** ذبحوووه أنطخ بالرصاص




وللحدث بقية :f:
.،~|
​

​

 

[غَيّوضْ]

​

طبعاً الوالده الله يرحمها لا شعورياً صرخت وش تقووووول :?:
قال هذا اللي صار وطبعاً أنا وخواتي وكأن أحد لطمنا ولا تكلمنا ولا كلمة ماغير مطيرين عيوننا وبس
يا الله والله كان موقف الله لا يذوقه لأحد :no:
ولد خالتي لسه كان شاب بعمر 21 سنه يعني صدمة كانت قوية علينا مرررررررة :f:
خالتي كانت مسافرة مو بالبلد وجاها الخبر وهي برا ....... الله يرحم حالها وشلون كانت حالتها الله أعلم

مآســـــــــــــــاة

طبعاً حسب ما رويت لنا القصه
هذا واحد أخو بدوهـ الله يسامحه بس كان معروف بالبلد بأذيته وإنه انسان غير سوي وعلى حد علمي استغفر الله انه مروج مخدرات :cr:
فيه أحد بلغ عليه وجاه خبر ان ولد خالتي هو اللي مبلغ عليه من مين الله أعلم عاااد ماندري :no:​

طبعاً البلد صغيرة ودبة النملة تنسمع فيها وكل شي ينعرف بسرعه وماتخفى على أحد خافية
ولد خالتي الله يرحمه كان ويا صديقة اسمه سعود جالسين مثل ماتقولون عند دكة البيت برااا ويسولفون
شوي الا اللي يوقف جنبهم بالوانيت ويلتفتون عليه الا هذا الرجال مطلع الربع ومصوبه على ولد خالتي بدون أي كلمة بس ناداهـ قاله فلااان والتفت ولد خالتي
وأطلق الرصاصة :getsmile.tmp0015381الا هي بقلبة على طول ولد خالتي نطق بكلمة وحده بس قال سعووود ينادي صديقه اللي معه وبوقتها توفى الله يرحمه :er::er:
طبعاً سعود ركض على بيت أهله وخبر اخوانه وعلمهم بالسالفة ​

!!
بس بصراحه مدري ايش اللي صار وقتها مكان الحادثة
اللي عرفته انه الرجال اطلق رصاصته وانحاش ولا عاد بين له أثر :cr:
مثل ماقلت لكم ان امه كانت مسافرة :f:
جاها الخبر وهي برااا وجت والله لا يوريكم حالتهااا وللعلم صورة الولد الى يومك معلقه قدامها بالصالة وطول الوقت تناظر فيه وتكلمة وتتحسر عليه :er:
وقت وصولهااا كنا كلنا ببيت خالتي وطبعاً البيت مليان ومسوين مناحه الله لا يعيد ذيك الأيام :no:​

تخيلو اول ما دخلت البيت وش سوت :?:
​

فيه مكان قبل لا تسافر كان واقف ولدها فيه وسلمت عليه وطلعت :f:
رجعت على طول لهالمكان ونزلت تحب مكان مواطي رجليه مكان ما كان واقف :er::er:
يا الله وشكثر كان موقف يقطع القلب وطبعاً هالمنظر بحد ذاته زاد الحزن بالبيت :f:
ووقتها كانت تقول دم ولدي مايروح هدر تجيبونه يعني تجيبونه

وللحدث بقية لي عودهــ
.،~|
​

 

[غَيّوضْ]

الديــــة .،~

​

عدت ايام العزى بحزن شي لا يوصف لكن رحمة ربي فينا كلنا كانت أقوى والحمدلله الهمنا الصبر
وصبر ربي قلب امه واعانها على تحمل مصيبتهااا :f:
طبعاً القاتل ما انترك الشرطة ظلت تدور عليه لين القواا القبض عليه بحفر الباطن ومسكوه وذبوه بالسجن :d:
بعدها الله لا يوريكم ابوي تقريباً كان كبير العائلة وكان الكل ينصاه بأي شي
جو أهل الولد لأبوي يترجونه يتنازلون عن حقهم

تخيلووو وساعة الوجه على بالهم ذابحين قطوووو حسبي الله ونعم الوكيل
قالهم ابوي انا مالي دخل اطلبوو هالشي من امه هي صاحبة الحق اذا بغت تتنازل :u:
طبعاً ارسلووو الجماعه امه لخالتي عشان تطلبها انها تتنازل
قالت والله دم ولدي مايروح هدر حقي وابي آخذه ​

الحرمة طبعاً جلست تترجاها وهذا ولدي الوحيد ومن هالحكي ،، بس خالتي عيت قالت ما اتنازل !!
وبشر القاتل بقتل ولو بعد حين ....]
​

المهم مازالت المحاولات للتنازل عن الدم ولكن بدون فايده
خالتي رافضه تماماً :no:
يوم من الأيام الجماعه أرسلو شيخ لخالتي حتى يقنعها انها تتنازل
وفهموه انه ولد طايش وهذي غلطه ومن هالكلام ولا عند امه غيره وحنا مستعدين ندفع الديه وووو
هالعالم يحسبون الفلوووس كل شي :f:
يعني هالفلوس 120000 الف تبي ترجع الولد اللي راح والا تبي تطفي النار اللي بقلب امه :er:​

طبعاً الشيخ جلس يكلم خالتي يقنعها ويقول لها آيات ومن هالكلام وقال لا تخافين ( وبشر القاتل بقتل ولو بعد حين )...
بس انتي اهم شي الحين حاولي تعجزينهم بطلباتك لأن ذولي بدو والله ان راح ولدهم يبون يخلصون على باقي عيالك
شفتووووو القهررررررررررر :f:
خالتي بين التفكير والحيره من خوفها على عيالهاااا :i:
​

تفكيييير عميق ومشورات كبار العائلة
اتفقووو على الآتي :
ان خالتي تتنازل مقابل انها تحافظ على باقي عيالهااا
ومقابل
الديـــــــــــــــــه ،،
اللي هي تعتبر تعجيزية نوعاً ما ولكن عند ناس مثل ذولي ما اعتقد انها تعجيزية بالعكس سهله عليهم ربعهم وجماعتهم فزاعه ومثل الدود :cr:
1000000 ريال كان مبلغ الديــــــــــه
لكن للأسف هالمبلغ مايسوى دمعه من دموع امه اللي لليوم تبكي عليه :er:
لكن وش تسوي افضل من أنها تعيش باقي عمرها برعب وخوف على عيالها الباقيين منهالجماعه لا ينتقمون منهم :f:





للحدث بقية تابعوني

.،~|
​