السلام عليكم ورحمة الله وبركاتة ،،
ازيكم يا شباب ؟ عساكم بخير !!
قصة حب ،،، ومش أي قصة حب !!!!
فعلا دي قصة حب غير كل القصص اللي احنا بنسمعها ،
روميو & جولييت ، قيس & ليلي ، عنتر & عابلة .... إلخ
دي قصة تانية خالص ..
وعلى عكس معظم القصص أو كلها ، القصة دي أبطالها مش بيعيشوا حياتهم في عذاب العشق والغرام ،،
ولا بتكون نهاية القصة نهاية درامية مأساوية ، بالفراق أو الانتحار أو عالأقل عذاب القلب ومرض نفسي ،،
لأ ، خالص !! القصة دي فعلا كل لحظة فيها سعادة وهنا وحب حقيقي ،
قصة أبطالها ديمن مرتاحين وبيعيشوا حياة العالم كله بيحسدهم عليها بجد !!
لانها وبكل بساطة ؛؛
قصة حب ،،، ومش أي قصة حب !!
الحب الحقيقي هو اللي فعلا بتحس في كل لحظة فيه بسعادة ومتعة ولذة ،،
مش عذاب وآلام وأوجاع ..... إلخ
يا ترى عرفتم القصة دي من أبطالها ؟؟؟
أو عالأقل إيه عنوانها ؟؟
يا شباب هو احنا ليه فاهمين حاجات كتير في حياتنا غلط ، مع إنها غالبًا بتكون من أساسيات حياتنا !!
حتى ( الحب والإخوة في الله ) فهمناها غلط للأسف !!!!
تخيل لو كلنا عشنا مع بعض >> قصة حب << حب في الله !!
نحب بعض ، نود بعض ، نراعي مشاعر بعض ، نخاف على بعض ، نفدي بعض بأرواحنا وكل ما لينا !!
يا شباب بلاش الشعارات الكدابة والحب المزيف ده ،،
ياريت كلنا نخلص لله سبحانه في كل حاجة في حياتنا حتى مشاعرنا !!
كلنا بنقول وبنكتب في مواضيعنا ( أحبكم في الله ) بس يا ترى فعلا من القلب ؟
ولا أهو كلام تسالي وخلاص ؟؟ !!!
احنا لو فعلا بنحب يعض في الله بجد عمرنا ما هنزعل بعض ولا نجرح مشاعر بعض ،،
بالعكس والله يا شباب .. هنعيش فعلا حياة كل العالم هيحسدنا عليها .. في الدنيا والآخرة !!
هو انتا متخيل إن لما الحبيب
لو كان فعلا بالسهولة دي ما كانش ذكره جنب 6 حاجات كلها فعلا محتاجة مجاهدة النفس من نوع خاص !!
هو مش الصحابة رضوان الله عليهم كانوا بيحبو بعض في الله !!
واحنا زي مبنقول سلفيين ، يعني هما قدوتنا في كل حاجة ؛؛
ولا احنا بنقتدي بيهم في حاجات وحاجات ؟؟
والله يا شباب احنا محتاجين نحب بعض بجد عشان ربنا مش أكتر !!
محتاجين نحب بعض بطريقة الصحابة والسلف ،،
بطريقة أبو بكر وعمر وعبد الرحمن بن عوف وسعد ... وكل الصحابة !!
لو احنا بنحب بعض زي مبنقول ما كانتش أمتنا وصلت للدرجة دي من الهوان والله !!
فعلا يا شباب !! والله حاسس إني هبكي وأنا بكتب !!
طيب لو انتا بتحب إخوانك المسلمين في الله بجد ،، بتدعي لاخوانك في غزة - فك الله أسرها - ؟
بتدعيلهم في كل مكان على وش الأرض ؟ ولا احنا بتوع كلام وخلاص ؟؟!!
أنا فاكر إن مرة الشيخ حسان الله يحفظه بعد ما انتهى من الدرس والصلاة وقف الإخوة وسألهم :
أستحلفكم بالله حد فيكم دعا في صلاته لاخوانه المسلمين في فلسطين ؟
للأسف محدش رد ، فقال الشيخ :
أمة بخيلة على نفسها بالدعاء ، إزاي ربنا ينصرها ؟
قصة حب ،، ومش أي قصة حب !!!
فكر في كلامي كويس ، واقف مع نفسك وقفة اصدقها عشان تصدقك !!
اخلص في حبك ومشاعرك تجاة إخوانك وكل اللي حواليك !!!
يا ريت كلنا نحب بعض .. بس نحب بعض بجد !!
لانها
.
.
قصة حب ،، نهايتها الجنــــــــــــــــــــة
عرفت ليه هي مش زي أي قصة حب ؟
.
.
.
يشهد الله أني أحبكم في الله
طالب النجاة
TALEB AN-NAJAH
نقلت هذا الموضوع من اخى وحبيبى طالب النجاة اسال الله ان يجعله فى ميزان حسناته
تالله أن موضوعه هذا من القلب ووصل الى القلب
فى حاجات كتيرة اوى فى حياتنا لازم تتغير .
مستعدين يا شباب تغيرو من حياتكم ؟؟؟؟
مستعدين فعلا وبصدق فى القول والعمل ؟؟؟
فليشهد الله انى احبكم كلكم فى الله
تالله أن موضوعه هذا من القلب ووصل الى القلب
فى حاجات كتيرة اوى فى حياتنا لازم تتغير .
مستعدين يا شباب تغيرو من حياتكم ؟؟؟؟
مستعدين فعلا وبصدق فى القول والعمل ؟؟؟
فليشهد الله انى احبكم كلكم فى الله
