غير متصل
من أعجب ما قابلت في جلسات ومكالمات الناس اللي بتستشيرني في تجارتها
ناس غرقانة في بحر الفشل وعالقة في دوامة الديون وتكاد الهموم تقضي عليهم
طول الجلسة أو المكالمة بنتكلم في تفاصيل الشغل بتاعه واقدم له ما اراه
مفيدا من النصايح والاقتراحات
وفي آخر الكلام ابدا اختم الكلام بتذكيره بالله والدعاء والسجود والثلث الأخير من
الليل والاستغفار والصلاة على النبي والصدقة
فإذا به يفجر القنبلة = مابيصليش أو بيقطع في الصلاة
نعم ؟ بتقول إيه ؟ ما بتصليش ؟
دا انا مافكرتش ابدأ الكلام بالصلاة والدعاء علشان
كنت متأكد انك مستحيل وانت في الأزمة دي تكون ماقربتش من ربنا
لو ماكانش واحد في سنك وخبرتك أول حاجة يعملها في الأزمات إنه يصالح ربه ويقرب
ويتوب ويسجد ويدعي ، امال فايدة الأزمات إيه ؟
لو الهم والكرب والديون مش هترجعك ، ايه اللي ممكن يرجعك ؟
لو باب ربنا مش أول باب بتخبط عليه لما الابواب تتقفل في
وشك ، يبقى هتخبط على باب ربنا امتى ؟
ما جاش في بالك خالص ان ممكن تكون ازمتك اصلا سببها بعدك عن ربنا ؟
ما جاش في بالك ومن أعرض عن ذكري فإن له معيشة ضنكا ؟
ما جاش في بالك ان الحل بسيط : ومن يتق الله يجعل له
مخرجا ويرزقه من حيث لا يحتسب
ما جاش في بالك انك لما خنت حي على الصلاة = خانتك حي على الفلاح..
جزاه الله كل الخير من كَتبها ونشرها ، فنقلتها عنه...
