إستفسار ايه افضل شركة انترنت منزلى

[سيد ابوعلى]

السلام عليكم ورحمة الله وبركاته
لوسمحت يافندم بخبرتكم ايه افضل شركة انترنت منزلى فى مصر
فودافون - We- اتصالات - اورنج
محتاج اوصل ومحتار انا جربت WE بس بتخلص بسرعه جدا

 

[aldswqi]

أخي الفاضل
الانترنت في مصر زي البطيخة انت وحظك
كل الشركات سيئة (تحس انهم بينقوا الأسوء ويجيبوه مصر)
شركة we أسوئهم وهي تعلم ذلك وتفتخر بذلك وبتزهق وتضايق غير المشتركين معها
لأنها صاحبة الكابلات الأرضية وصاحبة السنترالات
شوف منطقتك اكثر المشتركين فيه تبع أي شركة
كل الشركات حطين روبوتات في خدمة العملاء والدعم الفني (حافظين مش فاهمين)
أحسن السيئيين NOOR ADSL لو سنترالك مغطى منهم، الدعم الفني (مهندسين وبيفهموا)
لو ظبطت معاك NOOR ADSL هتستريح جداً جداً

والحل الأكيد الذي لا انصح به أحد
كل منطقة لها فني خاص بها في السنترال التابعة له (احصل على تليفونه وظبطه)
هيظبط لك خطك وانترنتك

الله يوفقك​

 

[سيد ابوعلى]

يجب عليك تسجيل الدخول أو التسجيل لمشاهدة الرابط المخفي

طاب ايه الأفضل بعد شركة نور اسمع اني فودافون كويسه جدا وبعد ما الباقه تخلص بتفضل شغاله معاك باقي الشهر بسرعه ضعيفه عكس الشركات التانيه ميبقاش في انترنت اصل بعد الباقه ما تخلص

 

[tasaka]

.

1- شركه We هى الشركه الاكبر و اكثر حصه سوقيه ( اعتقد كانت حوالى 70% زمان من سنين على ما اتذكر .. و يمكن اكتر كمان ) .. لا اعلم الوضع الان

من وجهه نظرى من الاربع شركات هى الافضل و الاقوى

خدمه عملاء WE ممتازه .. الخدمه مستقره بدون مشاكل فى المنطقه التى انا بها ( عده سنين ) .. الاصلاح ( لو حدثت مشكله سريع جدا و الاعطال نادره الحدوث معى ) .. لا اعلم عن الباقى

فودافون شركه محترمه فى التعامل الشخصى مع العملاء .. و ممتازه فى خطوط المحمول .. بغض النظر عن الامكانيات الفتيه ( فيما يخص الانترنت فقط ) .. و اتوقع مستواها جيد الى جيد جدا فى الانترنت ( لكن هذا مجرد توقع )

اتصالات كشركه بصفه عامه احترمها جدا فى خطوط المحمول .. و اتوقع مستواها جيد الى جيد جدا فى الانترنت ( لكن هذا مجرد توقع )

ابعد عن اورانج .. لاكثر من سبب


2- توجد الان طرق جديده للاتصال غير معتاده .. لم ادرسها و لم اجربها


3- موضوع الباقه بتخلص بسرعه .. خفض اعدادات اليوتيوب و الفيديو الى 480p

انا باحسب الاستخدام باستخدام برنامج Networx >> احيانا كان بيكون فى كميه مفقوده فى We حوالى 5% من الباقه .. و لكن الان اعتقد اصبحت مظبوطه نسبيا اخر كام شهر


ده بحث جوجل 2021

.

 

[tasaka]

يجب عليك تسجيل الدخول أو التسجيل لمشاهدة الرابط المخفي

.

اول مره اسمع عنها

ما هذه الشركه و هل جربتها

تقبل تحياتى


.

 

[سيد ابوعلى]

يجب عليك تسجيل الدخول أو التسجيل لمشاهدة الرابط المخفي

الف الف شكر استاذي بارك الله فيك

 

[tasaka]

يجب عليك تسجيل الدخول أو التسجيل لمشاهدة الرابط المخفي

.

العفو بالتوفيق

انا اعطيتك رأى فيما جربته .. انا مشترك فى WE من يمكن 10 سنين او اكثر لا اتذكر تحديدا

لم يحصل معى عطل خلال السنوات الثلاثه الماضيه تقريبا الا ثلاثه او اربع مرات تقريبا على ما اتذكر .. و مره او مرتين تم الاصلاح بالتليفون اثناء المكالمه .. و مره او مرتين تم الاصلاح بعدها بيوم من السنترال.. بدون حضور فنى للمنزل عندى


لكن لاحظ ان WE تقوم بتحديثات جوهريه الان للبنيه التحتيه لرفع السرعه الى رقم جديد .. غير معلوم التفاصيل لما يتم

التحديث بدء الشهر الماضى و هو على مستوى مصر كلها .. السرعه قلت لمده اسبوعين .. ثم عادت الان الى طبيعتها .. يبدو انهم انتهوا من هذا التحديث الكبير للبنيه التحتيه .. على الاقل جزئيا


.

 

[tasaka]

يجب عليك تسجيل الدخول أو التسجيل لمشاهدة الرابط المخفي

.

فى انترنت بعد انتهاء الباقه فى WE >> و اكيد الشركات المنافسه ستفعل نفس الشيئ طبعا

لكن زمان قبل رفع الحد الادنى للسرعه الى 30 ميجا .. كانت الباقه بتنتهى و تظل سرعه جيده موجوده على ما اتذكر 512 كيلو بايت او 1 ميجا .. و كانت جيده جدا للاستعمال حتى نهايه الشهر

بعد رفع السرعه الى 30 ميجا .. بعد انتهاء الباقه تظل سرعه بسيطه جدا موجوده حتى انتهاء الشهر .. اعتقد 256 او 128 لا اتذكر .. سرعه بطيئه جدا .. يعنى بالكتير فتح صفحات

و يمكن ده علشان يجبرك انك تجدد الباقه او تشترى ميجات اضافيه

.

 

[سيد ابوعلى]

يجب عليك تسجيل الدخول أو التسجيل لمشاهدة الرابط المخفي

انا فعلا استخدمة شركة we وكانت جميله جدا بس المشكله اللي بتخليني احاول ابعد عنهم ليه الباقه لما تخلص في نصف الشهر ميبقاش الإنترنت شغال على سرعه 256زاي باقي الشركات ده السبب الوحد

 

[tasaka]

يجب عليك تسجيل الدخول أو التسجيل لمشاهدة الرابط المخفي

.

الانترنت بيظل شغال حتى نهايه الشهر .. و لكن لست متذكر السرعه 256 او 128

لا اعلم سرعه باقى الشركات بعد انتهاء الباقه


تحياتى و تقديرى

.

 

[aldswqi]

يجب عليك تسجيل الدخول أو التسجيل لمشاهدة الرابط المخفي

أخي الفاضل
هذا موقع الشركة

يجب عليك تسجيل الدخول أو التسجيل لمشاهدة الرابط المخفي

وعن تجربة كانت ممتازة معي لمدة سنتين ثم تدخلت we بتغيير الكبائن والكابلات ومن بعدها لم يستقر الانترنت رغم الشكاوى الكثيرة مني ومن NOOR ADSL للجهاز القومي للإتصالات ورئاسة مجلس الوزراء، ثم تعرفت على الفني المختص بالمنطقة وظبّط معاه وقام بالواجب، ثم نقل من السنترال بعدها، وبعد سنة عادت ريما لعادتها القديمة وعادت الأعطال مرة أخرى، فأضطررت أسفاً العودة لـ we وبنقاوح معاها كل فترة وأهي أيام وبتعدي إلى أن يقضي الله أمره​

 

[tasaka]

يجب عليك تسجيل الدخول أو التسجيل لمشاهدة الرابط المخفي

>
انا ذهبت اليوم قبل ردك لموقع الشركه

الموقع بسيط .. و الخدمه المقدمه 30 ميجا فقط

انا باسال عن سبب تفضيلك لها .. هل السرعه اعلى ام ماذا

>> انا شايف اسعار الباقه ال 200 جيجا عاديه .. مفيش تميز ملحوظ

من الواضح ان عندك اكثر من شكوى منها .. و عدت الى WE


.

 

[aldswqi]

يجب عليك تسجيل الدخول أو التسجيل لمشاهدة الرابط المخفي

أخي الفاضل
مسألة الكوتة (الباقة) والأسعار والسرعات مفروضة من we عبر الجهاز القومي للإتصالات (الواجهة الحكومية لـ we)
إنما التميز في الدعم الفني
كل الشركات بلا استثناء الدعم الفني روبوتات (حافظين مش فاهمين)
إلا NOOR ADSL الدعم الفني مهندسين متخصصين (فاهمين)
غير إنها أول شركة انترنت في مصر (07777777 و07777555)
وكانت بتقدم خدماتها للشركات فقط ومنهم مصر للطيران وكوكا كولا وغيرهم
وبعد 2011 بدأت تقدم خدماتها للجمهور
وتركتها وأنا مكره على ذلك (3 سنوات لم اشتكي منهم)
ولما كانت تحصل مشكلة كان الدعم الفني يمشي معايا خطوة بخطوة لغاية ما تتحل
(ومفيش اطفي الراوتر وشغله والكلام ده)
ومعظم المشاكل كانت بتبقى من السنترال التابع لـ we (خارج سيطرتهم)
وكانوا بيحاولوا يحلوها بسرعة
وسبب تحويلي لـ we هو احتياجي لعمل الانترنت 24 ساعة في اليوم
(دراسة الأولاد وابحاثهم ودروسهم وتواصلهم مع زملائهم ومع المدرسين)
لو ليا شخصياً كنت فضلت مع NOOR ADSL

وعامة زي ما قلت في الأول
الإنترنت في مصر زي البطيخة

ربنا يوفقك​

 

[tasaka]

.

من كلامك فى اكثر من رد .. ان سبب تفضيلك لهم هو الدعم الفنى

ده شيئ مهم .. من 10 سنين مثلا عندما كانت الاعطال تحدث باستمرار .. و دى كانت مشكله غير بسيطه و مزعجه زمان

لكن يمكن من اخر 5 او 6 سنين ليس لدى اى شكوى اصلا .. لكى احتاج الدعم الفنى


زمان قمت بتغيير الاسلاك بنوعيه ممتازه .. و فنى السنترال ضبط الدنيا .. و انتهت المشاكل تماما

الان مع WE من كذا سنه .. لا يلزمنى و لا اعرف اصلا فنى السنترال .. كل شيئ داخلى بيتم حله بدون اى تدخل منى او حضور فنى او غيره .. كل شيئ عن طريق خدمه العملاء الدعم الفنى


لاحظ ان فنى السنترال .. لو انت بتعطيه كثير و باستمرار .. قد يكون هو المتسبب فى تعطيل خطك بصفه مستمره كل فتره

و هذا حدث معى .. فقمت بجعله يقوم بالاصلاح عده مرات بدون اى شيئ منى .. و كان يقوم بالاصلاح اليوم ( طبعا اصلاح سيئ ) .. كنت اقوم باعاده الابلاغ فى نفس اليوم عن وجود نفس العطل

و بعد فتره .. انتهت القصه دى .. 5 او 6 سنوات بدون اى مشاكل بفضل الله


تقبل تحياتى و تقديرى

.

 

[aldswqi]

يجب عليك تسجيل الدخول أو التسجيل لمشاهدة الرابط المخفي

أخي الفاضل​

الحمد لله بطيخة الانترنت عندك طلعة حمراء الله يبارك لك فيه وتستخدمه في الخير
وعقبالنا​

 

[tasaka]

يجب عليك تسجيل الدخول أو التسجيل لمشاهدة الرابط المخفي

.

الحمد لله ان الانترنت عندى طلعت بطيخه حمراء .. الله يبارك للجميع

هى قعدت سنتين ثلاثه قرعه فى الاول


تقبل تحياتى و اعزازى و تقديرى

..

 

[زين الدين 77]

يجب عليك تسجيل الدخول أو التسجيل لمشاهدة الرابط المخفي

دي من أوائل. الشركات للنت
بس. نسبتهم. في. السوق قليله.
بس معظم. الشركات الكبري بتعتمد. عليهم.
بترول. وبنوك. أستثماريه
وأهم. حاجه عندهم. الخطوط. مفتوحه ( أعلي باقه في السوق)