غير متصل
متندمش في يوم على عمر فات ولا موقف عدى أو شخص عرفته
خليك مؤمن إن الحاجة الحلوة اللي جات أو حتى اللي لسه جايه هي مجرد نتيجة للي قبلها
حياتنا ما هي إلا حلقات كل حلقة متصلة باللي قبلها وباللي بعدها
مينفعش حاجة تيجي قبل حاجة
هي أقدار ربنا ومكتوبة علينا ولازم نشوفها كلها من غير أي نقص
مكتوبلنا نقابل شخص سيئ فيخذلنا عشان لما يجي الشخص الصح نعرف قدره
فمتقولش ليه يارب مديتنيش الحاجة الحلوة الأول بدل وجع القلب اللي شوفته
مهو أنت لو قلبك متوجعش في الأول أو شفت السيئ الأول مكنتش هتعرف قيمة الحاجة الحلوة لمة تيجي وكان ممكن تضيعها من إيدك بكل سهولة ويجي بعدها الندم الأكبر
ففي كل حال احمد ربك ودائما ادعوه بأن ييسر لك الخير وأن يصرف عنك الشر، فالدعاء يرفع البلاء.
