قصة الزوج والزوجة حوار كل يوم

[MesterPerfectMesterPerfect is verified member.]

السَلام عليكم ورحمة الله وبركاته
لقد قرأت هذه القصة الطريفة وأحببت أن أشاركها معكم لنخرج قليلا من روتين الحياة اليومية
ولعل هذه القصة أصلا من روتين الحيا اليومية التي يتكرر كل يوم
لذا فلكم الحكم على محتوى القصة وما فيها, وخاصة المتزوجين
بسم الله

الزوجة : تأكلوا ايه بكرة؟
الزوج : أي حاجة.
الزوجة : يعني أيه أي حاجة؟ أنت مش عايز حتى تساعدني باقتراح.
الزوج : أعملي لنا بامية و أرز.
الزوجة : لسة واكلين بامية من 3 أيام.
الزوج : طيب أيه رأيك في فتة و كوارع.
الزوجة: كوارع ايه في الحرّ ده.
الزوج : أعملي يا ستي محشي ورق عنب و لحمة محمرة.
الزوجة : هو أنا لسة ح أنزل أشتري ورق عنب و أغسله و أقطعه و أعمل الخلطة و
أحشي , و أحمَّر ؟ الرحمة شوية حرام عليك أنا بني آدمه.
الزوج : طيب شوفي أي حاجة سهلة و موجودة عندك و أعمليها و خلاص.
الزوجة : يعني مافيش مرة عايز تريحني و تجاوبني , دايماً ايدك في المية
الباردة.
الزوج : طيب, قولي اقتراحات و أنا اختار منها.
الزوجة : اقتراااحااات؟ يعني أنا مش عارفة أختار صنف واحد , و أنت عايزني اقول
اقتراااحاات.
الزوج : ايه رأيك ناكل أكلة خفيفة, مثلاً علبة تونة و جبنة و زيتون؟
الزوجة : بلاش عك , أنا بفكر أعمل مكرونة و كبدة بانية و شوية بطاطس شيبسي؟
الزوج : برافو عليكي و على أفكارك.
الزوجة : هو ده اللي أنت فالح فيه.
و في اليوم التالي اتصال تليفوني من الزوجة للزوج:
الزوجة : ألو , هات معاك حاجة ساقعة و أنت جاي, بس تكون صودا عشان طلبت سمك
مشوي و أرز ( دليفري ).
الزوج : أنتي مش قلتي ح ناكل مكرونة و كبدة و بطاطس؟
الزوجة : و الله أنا من ساعة ما صحيت و أنا بغسل و اشطف الولد و أحمي البنت و
انضف الزريبة اللي ولادك عاملينها , ح اجيب وقت منين أنزل و اشتري و اطبخ ؟
حرام عليكم بقى أنتم ما بتبطلوش طلبات.
الزوج : عايزة الحاجة الساقعة ايه ؟ "سبرايت" و لا "سفن أب"؟
الزوجة : أي حاجة.
الزوج يرجع الى البيت و يجلس الى المائدة و يمد يده ليخرج قارورة "سبرايت " من
الكيس و يضعها على المائدة.
الزوجة : ايه ده ؟ يعني مكنتش قادر تجيب سفن أب ؟ أنت دايماً ذوقك غريب كده.
الزوج يمد يده للكيس و يخرج قارورة (ثانية) سفن أب و يضعها على المائدة.
الزوجة : طبعاً من أنت مش خاسس عليك حاجة أقعد انت بعزق في الفلوس و آخر الشهر
تقول لي المرتب بيروح فين, عرفت يا بيه المرتب بيروح فين؟.
الزوج : يأكل في صمت.
الزوجة : ها , ما قولتليش , تاكلو ايه بكرة ؟

بصراحة القصص كهذه هي من تهون علينا الجامعة وما نراه فيها
لذا أحببت مشاركتكم أياها, ولتعلم الزوجات كم نحن مظلومين
تمت بحمد الله

 

[ابو روضة]

الموقف جميل ويحدث يومياً بالفعل لكن لو هناك تفاهم وعقلانية وترتيبات بينهما لن يحدث هذا...
وبرغم أننى كذلك فى بيتى ومع زوجتى وبيننا التفاهم بفضل الله ونكون عاملين ورقة وكاتبين فيها أكل الأسبوع
لكن أيضاً لا يمر يوماً إلا وتسألنى الزوجة عن طعام الغدّ فأضحك وأقول لها
" بالفعل الطبع غّلاب " و " اطرد الطبع من الباب يدخل لك من الشباك."
فنبتسم وننسى الأمر.
جزاك الله كل الخير أخى الكريم

 

[aelshemy]

بارك الله فيك وجزاك خيرا وشكرا لك على هذة القصة الواقعية

 

[kjelban]

شكرا جزيلا

 

[maha salah]

بارك الله فيك وجزاك خيرا وشكرا لك على هذة القصة الواقعية

 

[zeinab bahaa]

رااااائعة بجد

 

[Player50]

شكرا ً جزيلا ً

 

[sa222]

جزاك الله خير وبارك الله فيك