شـــرح تجربتي مع تقطيع النت المستمر ووجدت الحل النهائي له بعد عذاب ( سلك التليفون )

[عماد البدري]

السلام عليكم ورحمة الله وبركاته​

​

كنت مشترك مع شركة تي داتا وكان النت بيقطع كل دقيقة وكل ما أحمل أي حاجة وكلمت الشركة كتير وخدمة عملائهم بصراحة ممتازة وكانوا بيبعتوا فنيين لحد عندي كل من وقت للتاني لكن المشكلة لم تحل وهم يؤكدون​

أنه لا يوجد عطل من عندهم لدرجة أنهم قالوا لي العطل من خدمة التليفون الأرضي ومن السنترال وروح السنترال اللي انت تابع ليه وقولهم عايز أعمل ( تغيير فراعات ) كنت فاكر إن مش دي المشكلة وإن المشكلة من تي داتا​

نفسها ومن راوترها الردئ فقلت لابد من تغيير الشركة خاصة أنهم كانوا بيسرقوا السرعة مني باستمرار​

فغيرت لشركة لينك ( Orange DSL ) وطلعت أفضل من تي داتا وراوترها مصنف ضمن أفضل أربع راوترات في مصر​

ثلاثة منهم تبه شركة لينك ، النت استقر في البداية أول أسبوع وبعد كده رجعت ريمة لعادتها القديمة وبقى بيقطع زي الأول قلت يبقى العيب مش في الشركة ، بحثت في النت عن جميع الأسباب التي تؤدي لقطع النت بشكل مستمر وكان من أهمها ؛ إنه احتمال وجود فايرس لأن فيه فيروسات معينة بتقطع النت لكن جهازي نظيف وأستخدم أفضل برامج الحماية والأدوات الفتاكة بأي فيرس أو أدويرأو مالوير ، واحتمال من شركة النت ، واحتمال من السنترال واحتمال من المشتركين معاك على الشبكة لكني مستقل / كلمت خدمة العملاء كتير تبع لينك للتأكد وأكدوا أن المشكلة ليست من عندهم وكلمت شركة ( المصرية للأتصالات ) وجه فني هو هو اللي ركبلي الخط الأرضي والنت من سنة ونص​

وطلعت المشكلة فين ؟ في سلك التليفون لأنه به وصلتين ، جه الراجل الفني قطع الجزء الموصل والمغطى بالشكرتون ( اللزق ) ووصل مباشر وعريان من غير شكرتون وقاللي يستحسن ماتلزقهوش خالص وتسيبه كده​

لأن سلك التليفون بيتأثر بأي حاجة ، اشتغل النت يوم وفصل تاني لما اكشفت الوصلة التانية وعملتها بنفسي​

وسيبتها عريانة ووصلتها مباشر ومن ساعتها الحمد لله رب العالمين انتهت تماما مشكلة تقطيع النت ولم يقطع للحظة واحدة ، أنا آسف على الإطالة وعدم الاختصار لكن الموضوع ده تاعب ناس كتير وقد يكون الحل بسيط​

الأسباب الممكنة لقطع النت في عجالة واختصار :​

قد يكون من الراوتر​

قد يكون من شركة التليفون الأرضي​

قد يكون فيرس
قد يكون من المتصلين معك في الشبكة
وأخيراً وبه فابدأ قد يكون من سلك التليفون​

 

[mrso_mrso]

جزيت خيرا​

 

[شعيب دزيري]

جزاك الله خيرا.. المشكل عمل لي صداع في الرأس من كثرة الانقطاعات
منذ سنة تقريبا وأنا أعاني من مشكل انقطاع النت والموديم يعمل رستارت لوحده وخصوصا أيام نهاية الاسبوع تكثر الانقطاعات
قدمت شكوى لدى الاتصالات أتوا للبيت تفقدوا كل الكوابل فوجدوها جيدة غيروا لي رقم الهاتف مرتين ،
لكن المشكل لم يحل وأعلم أنه لن يحل وعدوا عشرات المرات بأن المشكل سيتم اصلاحه في القريب العاجل لكن لاحياة لمن تنادي
-لكن الذي حيّرني انّ المشكل ليس يوميا. بل يوم أو يومين كل اسبوع أو أسبوعين .

 

[عماد البدري]

جزاك الله خيرا.. المشكل عمل لي صداع في الرأس من كثرة الانقطاعات
منذ سنة تقريبا وأنا أعاني من مشكل انقطاع النت والموديم يعمل رستارت لوحده وخصوصا أيام نهاية الاسبوع تكثر الانقطاعات
قدمت شكوى لدى الاتصالات أتوا للبيت تفقدوا كل الكوابل فوجدوها جيدة غيروا لي رقم الهاتف مرتين ،
لكن المشكل لم يحل وأعلم أنه لن يحل وعدوا عشرات المرات بأن المشكل سيتم اصلاحه في القريب العاجل لكن لاحياة لمن تنادي
-لكن الذي حيّرني انّ المشكل ليس يوميا. بل يوم أو يومين كل اسبوع أو أسبوعين .

أستاذ شعيب لو تأكد من أن جهازك خالي من الفيروسات التي تقطع النت وبعد مراجعة شركة النت ومراجعة شركة الخط الأرضي ربما نوع الراوتر غير جيد لأنهم قالولي مرة اشتري راوتر جديد أو غير شركة النت واحصل على راوتر جديد مجانا بالإضافة للتخلص من شركة النت أو ربما لو معاك مشتركين قد يكون أحدهم يقطع النت عنك تأكد من جميع الأسباب الممكنة واحدة واحدة يعني مثلا ابدأ بتغيير السلك واشتري واحد جديد قطعة واحدة من غير وصلات وبعد كدة شوف باقي الأسباب واحد واحد وربنا معاك
ولا تنسى أن تريح الراوتر وتعطيه فترات راحة في الأوقات التي لا تحتاجه فيها​

 

[شعيب دزيري]

أهلا أخي....وأشكرك كثيرا على اهتمامك
فيما يخص سؤالك .(تأكد من أن جهازك خالي من الفيروسات)..أنا جربت فصل كابل النت من الحاسوب .قمت بفرمطة الحاسوب في العديد من المرات
جربت حاسوب آخر لكن المشك لم يحل .

أما نوع الراوترهو كالتالي ZXV10 W300هناك أمل وحيد الموديم لم أقم بتحديثه بتاتا من 2012.
الاشتراك مشترك وحدي فقط
اسلاك النت غيرته أربع مرات آخرها نوعية جيدة من أوربا

 

[عماد البدري]

أهلا أخي....وأشكرك كثيرا على اهتمامك
فيما يخص سؤالك .(تأكد من أن جهازك خالي من الفيروسات)..أنا جربت فصل كابل النت من الحاسوب .قمت بفرمطة الحاسوب في العديد من المرات
جربت حاسوب آخر لكن المشك لم يحل .

أما نوع الراوترهو كالتالي ZXV10 W300هناك أمل وحيد الموديم لم أقم بتحديثه بتاتا من 2012.
الاشتراك مشترك وحدي فقط
اسلاك النت غيرته أربع مرات آخرها نوعية جيدة من أوربا

كلام جميل بس جرب تعمل سوفت للراوتر ​