إستفسار ما هي أفضل شركة انترنت في مصر أرجو الرد من أهل التجربة ؟

[عماد البدري]

السلام عليكم ورحمة الله وبركاته

تحية طيبة لمجتمع زيزوووم الرائع

ما هي أفضل شركة ؟ احكي تجربتك لنستفيد ونقرر أي الشركات سنتعامل معها :

TE DATA

Link

Internet Egypt

Vodafone ADSL

NOOR

اتصالات

أخرى


الموضوع باختصار إني مشترك مع شركة تي إي داتا وانا من محافظة الاسماعيلية يعني مفيش زحمة وضغط زي المحافظات الكبرى المتكدسة بالسكان ، والنت كويس معايا ومبيقطعش لكن المشكلة إني مابخدش سرعتي كاملة
والشركة بتسرقنا وبعرف ده لما بحمل حاجة ، أنا سرعتي 1 ميجا يعني المفروض تكون 128 كب / الثانية لكن اللي بيحصل إن السرعة مش ثابتة وتفضل تنزل وتطلع مابين 20 إلى 90 كب عشان كده انا بسأل على أفضل شركة انترنت في مصر عشان اتعامل معاها واسيب تي إي داتا اللي بتسرقنا دي عشان حرام هوما بياخدوا فلوسهم كاملة ليه مبيدوناش سرعتنا كاملة
أرجو الإفادة من الإخوة المصرين ومحدش يبخل علينا بالنصيحة
كما أرجوا من طاقم الإدارة عدم إغلاق الموضوع حتى نستفيد من خبرات الأخرين قدر الإمكان
فليشارك الجميع في النقاش ولكم مني جزيل الشكر والتقدير والاحترام ،،​

 

[عماد البدري]

إيه يا جماعة معقولة مفيش حد عارف ولا مفيش مصريين هنا
مش معقولة منتدى بحجم زيزوم ومعظم المشاكل أو الأسئلة
لا أحد يجيب بس اللي انا عارفه ومتأكد منه إن فيه ناس بتكون
عارفة الإجابة ولا تتكلم متعرفش ليه كسل ولا كتمان علم ولا إيه
مش عارف ؟!
​

 

[wikihow]

Link
عن تجربه سرعه كامله
بس بردو راجع السنترال فى المكان اللى انت فيه وشوف راى المشتركين فى منطقتك

 

[عماد البدري]

Link
عن تجربه سرعه كامله
بس بردو راجع السنترال فى المكان اللى انت فيه وشوف راى المشتركين فى منطقتك

شكرا لك أخي
أتمنى ألاقي مشاركات أكثر من باقي الأخوة المصريين​

 

[student]

بصراحة كلهم ملة واحدة بس ممكن شركة noor لان خدمة عملائها محترمة عن معظم الشركات التانية

ولو كنت في القاهرة او اسكندرية كنت هانصحك بشركة سيسكوم

 

[مصرية وافتخر]

انا بمحافظة غيرك
وشركتى نفس شركتك
وسرعتى نفس سرعتك
وشكوتى نفس شكوتك
النت بطئ للغايه ويقطع كتير
لكن جهازى قديم شويه يمكن هذا سبب
الله اعلم

 

[عماد البدري]

بصراحة كلهم ملة واحدة بس ممكن شركة noor لان خدمة عملائها محترمة عن معظم الشركات التانية

ولو كنت في القاهرة او اسكندرية كنت هانصحك بشركة سيسكوم

مشكور أخي ، شرفتنا بمرورك الطيب
ونتمنى المزيد من المشاركات من باقي الأعضاء
في هذا الموضوع لسه محدش كلمنا عن فودافون
وموبينيل واتصالات​

 

[عماد البدري]

انا بمحافظة غيرك
وشركتى نفس شركتك
وسرعتى نفس سرعتك
وشكوتى نفس شكوتك
النت بطئ للغايه ويقطع كتير
لكن جهازى قديم شويه يمكن هذا سبب
الله اعلم

شرفتينا أختي بمرورك الكريم
الحقيقة أنا مش متأكد من موضوع إن الجهاز يؤثر على النت ولا لأ
لكن أظن ذلك ولعل أحد الخبراء يرد عليكي ويفيدنا بذلك لكن الجهاز
لما بكون قديم وإمكانياته ضعيفة مؤكد مشاكلة بتكون كتيرة​

 

[lollibob]

انا مع رأي الاخ akrmstar شركة لينك الافضل من ناحية السرعة فقط اما الدعم الفني
كل مرة يخلوني على الويتينج نصف ساعة
بس ليا رأي تاني بخصوص السنترال وخطوط الشبكة والكبائن القديمة ونوعية الكابلات
والمسافة بينك وبين السنترال كل ده بيأثر على السرعة
كمان جودة الراوتر وتحديثه
كمان مرور الكابل بجانب اي تيار كهربائي بيقلل ويضعف الشبكة

 

[عماد البدري]

انا مع رأي الاخ akrmstar شركة لينك الافضل من ناحية السرعة فقط اما الدعم الفني
كل مرة يخلوني على الويتينج نصف ساعة
بس ليا رأي تاني بخصوص السنترال وخطوط الشبكة والكبائن القديمة ونوعية الكابلات
والمسافة بينك وبين السنترال كل ده بيأثر على السرعة
كمان جودة الراوتر وتحديثه
كمان مرور الكابل بجانب اي تيار كهربائي بيقلل ويضعف الشبكة

شكراً أخي شرفنا مرورك​

 

[MagicianMiDo32]

كلهم حرامية

لينك أقل واحدة حرامية فيهم

 

[عماد البدري]

كلهم حرامية

لينك أقل واحدة حرامية فيهم

أنا حاسس فعلا ان كلهم حرامية بس مش متأكد مين أفضل من مين ، شكرا أخي على مرورك​

 

[عماد البدري]

تجربة بسيطة لازم احكيها عشان يستفاد الجميع
اليوم في كلام جديد لازم أقوله بعد تجربة أكثر من عام ونصف مع تي داتا
بالنسبة لتاريخ الموضوع كان النت مابيقطعش لكن بعدها بفترة النت بقى بيقطع
بشكل ممل دي حاجة الحاجة التانية سرقة السرعة ، دلوقتي أنا مشترك جديد
مع لينك ( Orange DSL ) وسرعتي باخدها كاملة وراوتر محترم ونضيف وخدمة عملاء
ممتازة بعكس ما يقال في مصر أن خدمة العملاء جيدة فقط في تي داتا دون غيرها
أما بالنسبة لموضوع النت اللي بيقطع وبعد عذاب وفنيين رايحين جايين عليا وبعد تغيير الشركة ، لا زالت المشكلة موجودة ، طلع من السلك بتاع التليفون عشان فيه وصلتين من يوم ما ركبته وملفوف عليهم
شكرتون ولما جالي فني تبع التليفون الأرضي شركة ( المصرية للأتصالات ) بعد عام ونصف
وهو هو اللي ركبلي التليفون شال الشكرتون ( اللزق ) من وصلة منهم وقاللي سيب السلك كده عريان لأن الشكرتون ممكن يأثر فيه لأنه بيتأثر بأقل المؤثرات واشتغل يوم ورجع قطع تاني لحد ما شوفت الوصلة التانية بالصدفة فعملتها بنفسي قطعت الجزء اللي فيه
الوصلة ووصلت السلك عريان مباشر ووعلقته طبعا على الحائط من غير ما يلمس الحائط أو أي شئ ومن ساعتها النت شغال بفضل الله ما قطعش لحظة بعد ما كان مشربني المرار
دي نقطة بسيطة لكنها لم تكن في الحسبان عشان كده
أنا هاعمل موضوع مخصوص أذكر فيه النقطة دي عشان موضوع تقطيع النت ده يعاني منه الكثير وقد يكون الحل بسيط​