مغلق لعدم المتابعة مشكلة انترنت

[فاروق25]

اخواني السلام عليكم عندي مشكلة عندما اشغل الكميوتر الانترنت تنقطع فيجب عليا ان اطفىء المودام و اعادة تشغيله لكي ترجع الاانترنت وهي تتكرر كلما اشعلت الكميوتر هل من نصيحة بارك الله فيكم

 

[Hisham_wz]

السلام عليكم

أعتقد ان المشكلة في الروتر مش في الكمبيوتر ؛ ليه بقا؟؟ اقولك وجهه نظري ؛ لما الكمبيوتر بيشتغل بيطلب رقم IP من الروتر علشان يقدر يتصل بالانترنت ؛ بعد كده تطبيقات الكمبيوتر تتصل بالانترنت ؛ فلو كانت المشكلة في التطبيقات او بمعني تاني في الكمبيوتر فاعتقد ان الروتر حيفضل يعمل نفس المشكلة حتي بعد اعادة التشغيل ؛ علشان كده اعتقد ان المشكلة في بداية عملية طلب رقم IP

ممكن في سيناريو تاني ؛ ان الروتر حالته تعبانة شوية ؛ فاذا عمل IDL مش بيقدر يوزع ارقام IP مرة تانية الا اذا عمل اعادة تشغيل لخواصة.

ممكن سيناريو تالت ان يكون جهازك في ملف مضر بيعمل Broadcast رهيب اول مايشوف الانترنت وده يكون بيهنج الروتر.



ممكن تجرب حاجة صغيرة علشان تتاكد منها قبل تغير الروتر ؛ ممكن تجيب روتر من اي صديق وتدخل علي صفحة إعداد الروتر وتاخد باك اب من الاعدادت الخاصة بيه وبعدين تعمل اعداد للروتر ده علي اسم المستخدم وكلمة المرور الخاصين بيك من مزود الانترنت وجرب كده شوف حيعمل معاك نفس المشكلة ولا .... ومتنساش بعد لما تخلص ترجع لصاحبك الباك اب

وممكن في طريقة كمان اذا كان الكمبيوتر اللي بتتكلم عنه لاب توب وانت شابك واي فاي ؛ خده في اي كافية او عند حد من اصحابك وجرب ادخل علي الواي فاي وشوف حتحصل المشكلة ولا.


يجب مرعاة ان الاجابات اللي فوق دي كلها احتمالية مش اكيدة

ربنا معاك