علي فكره أنــا مش متخلف
ولا انا أهبــــــل زي ما انتو بتسموني
ولا أنــا عبيط فعلشان كده بتستخفوا بيا
وكمـــان مش لازم تخلوا ولادكم يضحكوا عليا كل ما بيشوفوني
ولا يتريقوا علي طريقة كلامي
ومش لازم تحسسوهم اني هقتلهم لو شوفتهم
أصـــل الحكايه أبسط من كده بكتير !
كل الحكايه ان مميز ومختلف شويه عنكم وعندي كروموسوم زياده !!
و علشان اي حاجه بتختل لو زادت او نقصت عن المفروض
فزيادة الكروموسوم دي عملتلي خلل في كذا حاجه
يعني غيرت شكلي اللي انتو بتستغربوه ..
خلت عندي مرض في القلب من صغري ..خلت فمي صغير ومش بقدر
احافظ علي لساني بداخله طول الوقت
عملتي مشاكل وأمراض كتير في الجهاز الهضمي وفي اماكن تانيه
خلتني أكثر عرضه للامراض علشان مناعتي قليله !
خلتني أقل منكم ذكاء ..بس الحمد لله انا بفهم حجات كتير زيكم بس مش بنفس الدرجه ..
خلت عندي صعوبه في الكلام ومخارج الحروف ..فمش لازم تضحكوا لما اتكلم
شوفتوا بقي كل الحاجات دي علشان كروموسوم بس زياده
يعني انا مش مختلف اووي ولا انا كائن من كوكب تاني دخيل عليكم
انا ليا حق في الحياه زيي زيكم ..و اي حاجه انا فيها مكنتش بأختياري
ورساله مني ليكم ..رفقاً بيا ..ومتجرحونيش بنظراتكم ..ولا تجرحوا امي بكلامكم
يعني من الاخر
KEEP CALM &IT IS ONLY AN EXTRA CHROMOSOME
