بص مفيش حاجه اسمها كده فمتتعبش نفسك نصيحه
و حتى لو فيه حاجه اسمها كده لازم يكون فيه جهاز مفتوح 24 ساعه على الشبكه يراقب سحب الجهاز الاخر و الا لو قفلت جهازك مش هيقدر يراقب سحبه و انت قافل جهازك
لكن الوظيفه دى ممكن تكون متوفره كسكربت على سرفر الميكروتك
و سرفر الميكروتك ده فيلم كبييييييييير
عموما هديك فكره بسيطه عن سرفر الميكروتك علشان لو العمليه كبرت منك مستقبلا و اصبحت صاحب شبكه كبير و عاوز تعمل الوظيفه دى فى شبكتك
سرفر الميكروتك هو عباره عن سوفت وير تسطبه على جهازك و جهازك يكون فيه كارتين شبكه كارت يسحب بيه نت من الشركه و كارت الشبكه الاخر يعطى نت لجارك او لسويتش يوزع على اكثر من جار ليك
و ساعتها تقدر تحدد يفتح ايه على النت و ميفتحش ايه و ايه كميه الداتا اللى يقدر يسحبها فى الشهر يعنى تخلى يعنى تخلى اقصى سحب ليه للبيانات شهريا 4 و نص جيجا لان خطكم 9 جيجا
يعنى جهازك و السوفت وير اللى اسمه ميكروتك ده بيشتغل فلتر او وسيله تحكم متركبه بين كارتين الشاشه لكن جهازك هو اللى بيدخل نت للشبكه كلها و لو اتقفل جهازك هيقف النت عن الشبكه كلها
يعنى جهازك ده هيكون شغال زى محبس مياه عمومى يتحكم فى كل حاجه و يراقب كل حاجه بين شركه النت و شبكتك
فسرفر الميكرو تك ده بينفع فى حاله الشبكات الكبيره بيجيبو جهاز منفصل يشغلوه 24 ساعه سرفر بيتحكم فى كل حاجه و يراقب كل حاجه
تحياتى
وانا ما احمل كثير يادوب افتح الفيس وبعض المواقع والاقي الرصيد ينفذ لو فيه برنامج يقسم الرصيد او يعلمك كم استغرق ميجات إلي شابك في المودم
