أمــ الـعـمـرــاني
زيزوومى فعال
- إنضم
- 2 مارس 2010
- المشاركات
- 238
- مستوى التفاعل
- 4
- النقاط
- 280
غير متصل
السلام عليكم ورحمة الله وبركاته
اممممم .... بصراحة أنا ترددت كثير عشان افتح مدونة خاصة فيني
تصفحت لبعض المدونات بالقسم حسيت المدونة مكان تقدر تفرغ فيه اللي بداخلك
بس انا إنسانة ماحب اتكلم عن اللي بداخلي للكل ولأي أحد ..
كتوومة بطبعي .. أحس مهما تكلمت ومهما فرغت اللي بداخلي ماراح يتغير شيء
مو زي لما تفرغ لإنسان قريب منك قريب لقلبك يحس فيك .. يحتويك ..
تفضفض لوو .. تبكي لوو .. تحكي لووو .. عن كل اللي تحس فيه بداخلك
عن همومك .. أحزانك .. أفراحك .. جروحك ..
أحب الآخرين يكتشفوني بأنفسهم ..
ماأحب أضايق أحد .. ع الرغم من اني اتقبل مضايقة الآخرين لي بإبتسامة
امممم .. بداخلي كلام كثير بس أرجع واقوول احتفظ فيه بقلبي ..
واحاول دايماً أشغل نفسي باشياء ثانية .. احب اعبر اوقات عن اللي بداخلي
بطريقة ثانية غير الكلام والكتابة .. اي كلام حلوو ويعجبني احب احتفظ فيه
واحب اصممو ع صورة وانشر هالتصميم .. او اكتبوو بصفحتي الخاصة
عشان الكل يقرأ ويستفيد مثل ماأنا عجبني هالكلام واستفيد منوو ..
صح انا دخولي بالمنتدى مو كثيررر .. يمكن لاني احب اقرأ واتصفح اكثر من اني أكتب
ولأن دخولي المنتدى للضرورة فقط ..
تستهويني بعالم النت النقاشات الجادة ومجال علم النفس من استشارات وفروع علم النفس
أحب بعالم التقنية برامج التصاميم بجميع أنواعها .. أحب الشعر اكتب شعر .. خواطر
شاعري المفضل ( حامد زيد ) كنت احب اسمع للشاعر ( طلال الرشيد ) الله يرحمه
اي قصيدة شعرية حلوة لاي شاعر تعجبني كلماتها احب اسمعها .. أحب واميل اكثر
شيء للشعر الرومنسي والشعر الحزين .
أنا مشرفة بمنتدى ع قسم النقاشات الجادة والإستشارات النفسية والإبداع والتطور الذاتي
لي صفحتي الخاصة ومساحتي الخاصة بالمنتدى اللي انا فيه ..
بس انا حاسة اني مو من ضمن العائله الكريمة اللي بالمنتدى هنا .. يمكن لاني
حسيت المنتدى هنا رسمي شوي يهدف لحل مشاكل الحاسب وبرامج الحاسب ..
حبيت اكون من ضمن عائلة الزيزوميين بس بعيد عن مشاكل الحاسب .. فقررت اكون
مدونة خاصة فيني .. أكتب فيها مايعجبني من كلام .. شخبطات .. صور
شعر .. خواطر .. اي شيء حلووو ومفيد .
[/BACKGROUND]
