6 ايام فى الاقصر واسوان

[diabcoo]

اهلا بكل اعضاء وزوار
منتدانا الجميل

ان شاء الله ده هيكون
تقرير عن زيارتى لمدينتى
الاقصرواسوان
الزيارة استغرقت اسبوع
وان شاء الله هحاول اوضح
فى التقرير ده مدى روعة وجمال
مدينتى الاقصر واسوان
ويكون بمثابه تشجيع لكل السياح
انهم يزوروا عواصم الجنوب الفرعونى

الرحلة بدات من مدينة المنصورة
عصر يوم الجمعه 2/9
ووصلنا للقاهرة بالباص
ومن القاهرة وصلنا الاقصر
الساعة 7 صباحا يوم السبت 3/9
والجدول كان فى اليوم الاول
جوله حرة
اتمشينا فيها ع الكونيش
وزرنا ميدان ابو الحجاج
وسوق الاقصر

واليكم الصور لليوم السفر واول يوم فى الاقصر

ودعنا المنصورة والجو كان بيمطر
ودى كانت اخر علاقه لينا بالجو البارد
لان الجو فى الاقصر كان صيف

وصلنا محطة مصر
فى ميدان رمسيس
وصراحة المحطة بقت تحفه معمارية
بعد التجديد وبقت مزوده بخدمات كتير
كانها مول تجارى لخدمة المسافرين

معظم وقت الرحلة كان بالليل
لكن بعد الوصول لقنا (اخر المحافظات قبل الاقصر
الشمس بدات تشرق ومعاها المناظر الاول
لجبال الصعيد والخضرة والسما الصافيه

بداية الشروق

واخيرا وصلنا والحمدلله

بدات الجوله الحرة الساعة 5 المغرب
نزلنا فى ميدان ابو الحجاج
واتمشينا ع الكورنيش بجوار معبد الاقصر

وفى ميدان ابو الحجاج
وجدنا مهرجان بسيط لتنشيط السياحة
المهرجان كان جزئين
جزء للرسم وجزء للاغانى النوبيه

شاركت فى الرسم ع السريع

وده رفيع الفتى الصعيدى
اللى كان بيساعد كل الزوار
وكان لينا معاه حكايات

واخيرا دى كانت رسمتى
يارب تعجبكم

بعد المهرجان
رحنا سوق الاقصر
وهو عباره عن شارع طويل
ممتد من ميدان ابو الحجاج
يشبه خان الخليلى فى مصر
لكنه افضل من حيث النظافه
وكثرة المعروضات واخلاق البائعين
وكثرة المعروضات اللى فيه
زرناه مرات كتيره فى الرحله
وهتكلم عنه اكتر فى المرات الجايه
لكن المرة دى فى الاول
زرناه ع السريع

تقدر تكتب اسمك بالعربى والفرعونى
ع الميداليات والمسلات

وكده يبقى انتهى اليوم الاول من الرحله
كان يوم بسيط والغرض منه التعرف ع المدينه
واخذ فكره عامه عن جو الاقصر
لكن بداية الزيارات هتبدا من اليوم التانى
للرحلة ...انا بجهزه الوقتى وهرفعه النهارده
ان شاء الله

دمتم بود


​

​

 

[لهب شمعة]

صور روعه

كل الود

 

[كاسر]

اكثر من روعة

بارك الله فيك صور جميلة
​

 

[diabcoo]

نبدا باليوم التانى بالرحله
بدانا اليوم بزيارة متحف الاقصر

وهو متحف جميل واسلوب العرض
فيه رااااااائع كما انه مميز جدا
لانه يحوى فقط على القطع الاثارة النادرة جدا
بخلاف المتحف المصرى
يقع على الكورنيش الجديد
للاقصر وله طله رااائعه
مباشرة على النيل

للاسف ممنوع التصوير داخل المتحف
وكل الصور التاليه للمتحف من الخارج

اطلالة المتحف على النيل

ده فيديو عن متحف الاقصر

بعد زيارة متحف الاقصر الرائع
قررنا زيارة جزيرة الموز

وهى عبارة عن جزيرة نيليله كبيرة نسبيا
بها مزارع موز واستراحات كتيرة
وعشان توصلها تاخد فلوكة او لانش سريع
وهتدوق فيها اجمل طعم للموز البلدى
وهتشوف اجمل مناظر للنيل فى الطريق
فالنيل هنا يختلف عن نيل القاهرة
وغيرها من مدن الدلتا

ووصلنا الجزيرة بعد جوله رااااااااائعة فى النيل

وبعد الاستقبال
بداوا بتقديم الموز
والموز هنا بلدى وطعمه
غيييييييير اى موز

ودى طبعا النتيجة الحتميه

بعدها مشينا فى الجزيرة
وسط مزارع الموز والاراضى الزراعية

تمساح نيلى من اسوان

بدء الاستعداد لاستقبال فوج جديد من الزوار

استراحات الاستقبال
بسيطه ونظيفه ولها اطلاله
على النيل والبر الشرقى للمدينة

فى طريق العوده من جزيرة الموز

باقى التقرير واجزاء اليوم الثانى
من الرحله الاقصرية اعده الان

يارب تكون الاجزاء اللى فاتت اعجبتكم


​

 

[alemalbyelaram]

صور جميله اخوى

الله يعطيك العافيه

،
ودى وتقديرى

​

 

[diabcoo]

صباح الخير لكل الاعضاء
اللى متابعين تقريرى
وصباح يوم اقصرى جديد
هكمل فيه باقى انشطة اليوم التانى
من رحلتى لمدينتى الاقصر واسوان

رجعنا من جزيرة الموز
بالفلوكة النيلية
واخدت صور اخرى للنيل
والاقصر اثناء العودة لمرسى الفلوكة

طائر البلاسان موجود بكثرة فى الاقصر واسوان
وهو من الطيور المقدسة عند الفراعنة

الفنادق النيليه

فى راى ده اجمل مكان حد يشتفل فيه
ربنا يكرمك يا حاج

تنوع راائع فى اشكال الفلوكة واللانشات والسفن السياحية

قربنا من المرسى

والحمد لله وصلنا
بعد جوله رااائعه فى النيل
وجزيرة الموز

بعد ما وصلنا اكتشفت
مشكله حصلتلى
بس الحمد لله
اتحلت بسرعة

هكلمكم بالتفصيل عنها
فى الجزء التالى

​

 

[diabcoo]

عدنا من جديد
:getsmile.tmp0014225

المشكله ببساطه
انه قبل ما دخل متحف الاقصر
اشتريت هدايا من بياعين قدام المتحف
وطلبت من واحده ست طيبه اشتريت منها هدايا
انها تخلى الهدايا معاها لحد ما اخرج من المتحف
علشان مش هعرف اتجول بحرية فى المتحف ومعايا الهدايا
لكن لما خرجت من المتحف نسيت موضوع الهدايا ده خالص
ورحت جزيرة الموز وافتكرت لما رجعت
رحت للست اللى قدام المتحف لاقيت كل البياعين مش موجودين
سالتت عنهم قالولى شرطة لسياحة طردتهم من قدام المتحف
طب والحل !!!!!!!انا اشتريت هدايا ودفعت تمنها وهيا الوقتى معاهم

قالولى ممكن تلاقيهم فى ميدان ابو الحجاج
ورب ضارة نااااافعه
k:k:k:

قررت انى اروح ميدان ابو الحجاج ممكن اقابلهم واخد اللى اشتريته

وكان وسيله المواصلات
/
/
/
/
/
/
/
الحنطوووووووووور
كنت مقرر انى اركبه يوم تانى بالليل
بس للضرورة ...حناطير
:hh::hh::hh::hh:


اخدت واحد من موقف الحناطير

وده عم محمود صاحب الحنطور

الاسطى محمود راجل طيب ومحترم
بيخليك تركب قدام وتسوق الحنطور

وبينزل يصورك فيديو وصور كمان

كل الصور الجايه من تصوير عم محمود

انا الوقتى اللى سايق الحنطور
وعم محمود بيصورنى فيديو

الف شكر يا عم محمود تعبناك معانا

انا معايا رقم موبايل الاسطى محمود
لو حد عاوزه يقولى فى رساله خاصه
شخص محترم جدا وبيقدم خدمات كتيرة ومخلص
اوى فى شغله


والحمد لله وصلت ميدان ابو الحجاج
وكأن الست كانت مسنيته انى اروحلها
لاقيتها فرحانه انها لاقيتنى وادتنى الهدايا اللى اشترتها
فانت لو بتعبر ان المصريين طيبين
فاهل الصعيد اطيب من اى مكان تانى فى مصر
وده من واقع التعامل معاهم

قررت بعدها انى اتمشى على الكورنيش
وبالتحديد الكورنيس الجديد بالاقصر
تم بدء العمل فيه من حوالى سنه
وسيتم اقتتاحه قريبا ان شاء الله

كل هذه المحلات والبارزارت
تحت الانشاء

كل الصور التاليه
للكورنيش الجديد لمدينة الاقصر

علم جاميكا :kmj-by0000 (72)::kmj-by0000 (72):

متحف الاقصر وجزيرة الموز والحنطور والكورنيش الجديد
كانت اهم الانشطة فى اليوم التانى
بالليل ركبنا الحنطور عشان نروح للفلوكة ونزور البر الغربى
ومعبد حتشبيوت واضواءه الخلابه فى المساء
لكن بعد ما وصلنا للفلوكة صاحب الحنطور
قالنا ان خطر ركوب الفلوكة بالليل
وصراحة اقتنعنا وقررنا نرجع ونروح السوق
والمرة دى صورت السوق فيديو كامل
واشترينا منه سوفينيرز

يارب يكون صور اليوم التانى اعجبتكم
واليوم التالت هيكون اجمل يوم والاكتر من حيث الزيارات
لانه ببساطه

/
/
/
/
/
/
قضينا اليوم التالت كله فى اسوان
زرنا السد العالى وجزيرة فيله الرائعة
ومتحف النوبه وسوق اسوان وفلوكة فى النيل
وفسحه على الكورنيش الاسوانى

اعد التقرير لليوم التالت الان

دمتم بود
​

 

[diabcoo]

​

اهلا بكل عاشقى الاقصر واسوان​

اللى متابعين تقريرى

​

نبتدى النهاردة بدايه جديدة ويوم​

مميز ورائع لانه يوم اسوانى بامتياز

​

نبدا بسم الله​

اليوم التالت بدا بدرى اوى ​

صحينا الساعة 6 وفطرنا بسرعة ​

وانطلقنا للباص اللى هيوصلنا لاسوان​

عدينا البر الغربى من كوبرى مدينة الطود​

واخدنا طريق صحراوى سريع​

يربط بين الاقصر واسوان​

وطول الطريق كانت مناظر الصحرا الشاسعة والجبال اللى بتعكس ضوء الشمس الساطعة ​

كلها كانت مناظر خلابه مش متعود عليها​

سكان الدلتا والعاصمة ​

فالبكاد لايوجد جبل فى الشمال​

الا جبل المقطم فى شرق القاهرة ​

دى كلها صور من الطريق بين​

الاقصر واسوان​

​

واخيرا وصلنا اسوان بعد 3 ساعات فى الطريق​

وكانت اول محطه لينا فى الجدول الاسوانى ​

زيارة السد العالى ​

والسد العالى عبارة عن مشروع ضخم​

يتحكم فى مياه النيل ويقى مصر ​

من خطر الفيضانات والجفاف ​

اللى كانت بتصيب مصر سنويا​

قبل بناء السد​

بنى السد فى عهد عبدالناصر​

ويعد ثانى اهم مشروع هندسى فى القرن العشرين​

بعد نفق المانش اللى بيربط فرنسا ببريطانيا​

​

 

[diabcoo]

اهلا بكل متابعين رحلتى الفرعونية

ان شاء الله نكمل التقرير
فى زريارة البرالشرقى

وبعد زيارة معبدالكرنك
نروح لمعبد الاقصر
(معبد الحضارات كما اسميه )

ميزه هذا المعبد عن باقى المعابد
هو الهدف الاسطورى اللذى انشا من اجله
وايضا يوجد اعلى جدران المدخل مسجد
للشيخ الحجاج
وبالداخل كنيسه قبطية
انشاها المصريين ليختباوا من
بطش الرومان
لذلك فهو بحق معبد الحضارات

المدخل

واجهة المعبد

بالطبع لكل صورة ونحت فكرة ومعنى
يتسع الوقت لسردها
لكن سوف اشرح فقط هذه المنحوته
يوجد على الجانبين شخصين
يصفات انثوية وذكوريه
ويرمز لاله (حابو) او النيل
صفاته الانثوية دليل على رحمته بشعب مصر
والذكورية لقوته وجبروته بالفيضان والجفاف
يمسكون فى المنتصف رمز للقصبه الهوائية
ويضغطون بارجلهم على الرئه
والمعنى انهم يستطيعون ان يخنقوا مصر
سواء كان هناك فيضان او جفاف
والمعن قريب جدا من مقوله
(النيل شريان الحياة فى مصر)

مسجد ابوالحجاج
بنى وقت على جدران المعبد
وقت ما كان المعبد كله مدفون فى الرمال

عارفين ده مين
ده توت عنخ امون الشهير
ومراته توت عنخ سا امون :king::king::king:

ومازال التنقيب مستمر

محراب الكنيسه القبطية
التى تم نحتها فى المعبد
للاختباء من الرومانيين

طبعا كل هذه الرسوم
تحكى حكايات واساطير
ستكتشوفوها عند زيارتكم

يارب تكون الجولة فى
معبد الاقصر اعجبتكم

نفس اليوم بالليل
رحنا معبد الكرنك تانى
لحضور عرض الصوت والضوء
وكان عرض راااااااااااائع
ماصورتش العرض
لان التصوير بالليل مش
هيكون كويس اوى

​

 

[diabcoo]

نكمل صور مدينه هابو

​

 

[diabcoo]

​

 

[eslamsalamoka]

إنتوا بتزوروا بلدى من ورايا
طب على الأقل كنتوا قلتولنا عشان كنا نعمل معاكم الواجب يعنى

 

[Abou Bakr]

حزين لعدم ظهور الصور يا ريت يا أخى تكلم الاداره واضح انك تعبت فى الموضوع يا بلدياتى