سَرَابُ وَضُحَكَةٌ صَفْرَاءُ بِلَا رَحْمَةٍ وَأَمَّلَ كَذَّابٌ

[rd-19]

السلام عليكم ورحمة الله وبركاته​

تم افتاح المدونة​

11 / 6 / 2011 م​

السآعه 11: 11 بتوقيت سآعتي​

تشآووو​

 

[rd-19]

هلا ومرحبا بالحبايب​

شخباركم عساكم بخيير :hh:​

كم انا مشتاق الا مدونتي العزيزة
كل من يقيمني يقول وش ذا المدونه الفاضية :q:​

بحدثكم عن موقف فشله حصل معاي اليوم :q:​

هو انا مراقب على اختبارات الطلاب في احد المدارس الأهلية الليلية :hh:
وما ادراك ما هي المدراس الليلية وما هم الطلاب فيها​

مالكم بالطويلة بعطيكم الموقف وش صار اليوم عشان مايكون فاضية المدونة​

كنت بأحد اللجان مراقب على الطلاب المهم نقلوني الا فصل غير اللي انا فيه لأن ماجاها مراقب
صلى المغرب وسحب عليهم المراقب هههههه
​

بعد ما وزعت الورق الأختبار حضر المراقب الثاني و مابقى معي الا ورقه :q: شفت المادة قلت ياولد ليه ماتجلس تحلها ههههههه

واجلس على الكرسي واسحب على ام المراقبه واحل الأجابات الصح والخطأ
شوي ويدخل المدير ويشوفني جالس احل :q: بعد ماطلع جلست اكمل الا انا خلصت من حل الصح والخطأ والخيارات ههههه
باقي بس السؤال الاخير لكن كان صعب شوي وخليته لأنه تعاريف وانا قلت براحته خلني اراقب شوي​

<< على بالي انها ورقه زايده ههههههه
مادريت الا ويدخل طالب ويجلس قلت وش تبي قال اختبار عندي خخخخ
قلت اجل خذ هذي لك ,, معليش ترى حليتها عنك هههههههههه
قال ابد الله يعافيك يا استاذ :hh:


​

 

[rd-19]

تقييمات

يجب عليك تسجيل الدخول أو التسجيل لمشاهدة الرابط المخفي

هههههههههههههههههههه

خلاص بهتم فيها :hh: بس تعال كل يوم قيمني :bleh:

يجب عليك تسجيل الدخول أو التسجيل لمشاهدة الرابط المخفي

هههههههههههههه تعطيني بعض من اللي بمدونتك :hh:

يجب عليك تسجيل الدخول أو التسجيل لمشاهدة الرابط المخفي

جعله دووم موب يوم :q: وش اسوي شفت الماده هذي اعرف اجوبتها وهي مجال تخصصي :hh: و بدال ما ارجعها لهم احل واشوف اجوبتي و اقارنه مع حل الطلاب

يجب عليك تسجيل الدخول أو التسجيل لمشاهدة الرابط المخفي

ههههههه شكرن ماكان قصدي اني احلها له كذا واعطيها له بارده مبرده معصي ,
والابداع تقييمك يالغلا :king:

يجب عليك تسجيل الدخول أو التسجيل لمشاهدة الرابط المخفي

ههههههههههههههه اول طالب طلع من الامتحان :hh:

يجب عليك تسجيل الدخول أو التسجيل لمشاهدة الرابط المخفي

هههههههههههههههههه لالا اشوا الحمدلله كلها خيارات وصح وغلط مافيه فرصه اني اكتب ولا كان ماعرف يصححها مدرس الماده :hh:

يجب عليك تسجيل الدخول أو التسجيل لمشاهدة الرابط المخفي

ههههههههههههههههههههه كم تعطيني :hh:

يجب عليك تسجيل الدخول أو التسجيل لمشاهدة الرابط المخفي

صدقني ان رسب موب لحاله بيرسب :q: هههههههههههههههه

يجب عليك تسجيل الدخول أو التسجيل لمشاهدة الرابط المخفي

وياااااااااااااااااااك يالغلااااااا :king: شكرن شكرن على مرورك السنع

يجب عليك تسجيل الدخول أو التسجيل لمشاهدة الرابط المخفي

ههههههههه وإليك اخي :b:

كل ابو دايم سير علينا :hh:

يجب عليك تسجيل الدخول أو التسجيل لمشاهدة الرابط المخفي

ههههههه انت بالحيل تكلفت :hh:



---------

تقييماتكم بالحيل اسعدتني جدا جدا جدا يالبى قلبكم

الله لايحرمني من تقييماتكم ولا من طلتكم الحلوه





​

 

[rd-19]

اول تجربة لي في ..

مراحب بالحبايب :d:​

اول تجربي لي في ... وهي الأولى ,, مابعد سويت شين ثاني :hh:
كانت بالبداية تجربه لي , و عمل شخصي فقط
يعني اجربها ثم خلاص
اهم شي اجرب :hh: >> مشكله خخ​

الشاهد في السالفة ان معاي هذا الجهاز عندي جاني من احد الاصدقاء
و قالي شريته ولا استفت منه , خذه جربه قلت اوكي ولا يهمك .​

المهم سحبت على ام الجهاز وخليته عندي بكرتونه :hh:​

ويوم من الايام كنت اتصفح النت طاقتني ام الفضاوة و اتصفح المواقع , من موقع لموقع .​

و دخلت موقع شعر قلت نغير جو شوي :q:
ومريت صفحة الشاعر محمد الحارثي
قريت قصيدته مره الاولى ,, ثم جيت وقريتها ثانيه :er:​

اعجبتني القصيده بالحيل ,, وتذكرت ذاك الجهاز اللي عندي :hh:
وقلت اوكي خلني استفيد منه :y: بدال ماهو كذا جالس. ​

ايوه صح ماعرفتكم على الجهاز :bleh: هو جهاز صدى​

قلت حلوو خلني اجربها بصوتي >> وش عنده صوته عاد اللي يفتح النفس :hh:​

شبكت الجهاز , وجلست احوس احوس لين بديت اعرف شلون اشغل الصدى بمساعدة عم قوقل :hh:​

وجلست احوس وياه , اعجبني كثير حتى اقدر اسمع صوتي نفسه وانا اتكلم ويوضح لي الصدى , قلت حلوو نجرب نسوي بروفه على القصيدة
سويتها , قلت حلوو تمام ليه ماتحاول تدخل معاها موسيقه شعريه :hh: >> فلها , ههههه
وطبقت الطريقه وقلت خلني اسجل وتم التسجيل مع الموسيقه شعرية :hh:
انا قلت حلوو وحفضتها ونقلتها لجوالي >> اهم شي خخخخخ​

وهي اول تسجيل لي , وان شاء الله ماتكون الاخيره :hh:​

فأحببت اني اسمعكم اياها القصيدة و استفيد من نقدكم و اقتراحاكتم , ​

يجب عليك تسجيل الدخول أو التسجيل لمشاهدة الرابط المخفي

القصيدة ​

ألا يا دمع لا تذرف دخيلك وش هي الأسباب
وش اللي يجبرك تذرف وتكسر في الهوى عيني
وتحرقني ليامنك ذرفت وتحرق الأهداب
وتكسر بي شموخٍ ما خبرته انكسر فيني
شموخٍ ما انكسر فيني على كثر الهوى الغلاب
وكثر جروحي اللي من صدوق الحب تكويني
من اللي يجبرك تذرف؟ من اللي يجبرك تنساب؟
وتروي خدي الظامي وتنبت به بساتيني
وتشمت فيني العشاق وتشمت فيني الأصحاب
وتشمت بي مع الأصحاب ناسٍ ما تدانيني
ترى الشاعر له حروفه مثل ما للسباع انياب
ليامن ضامته دنياه ورَدها المياديني
وانا شاعر ليامنه حكى جنوا هل الألباب
قصيدي لا دعيته ما يهمِلني يلبيني
ألا يا دمع وش ينفع خفوقي كلمتين عتاب؟
ما دام انه عشق بنتٍ غشاها الملح والزيني
دلالٍ ضمها قلبي..عشقها..مات فيها..ذاب
تولَع في هواها لين قام الحب يرثيني
عيونٍ كحلها يذبح..يدين مزيَنه بخضاب
شفايف تستفز الصبر وتصحِي شياطيني
من وصوف القمر فيها ولكن ويش جاب الجاب
ما دام ان القمر يبكي ليا قامت تحاكيني
يقول أرجوك لا تكشف حقيقة حسني الجذاب
ترى هالناس لامنها درت صارت تجافيني
صحيح الحسن في محبوبتك ما منه شخص ارتاب
ولكن طالبك هالشي يبقى بينك وبيني
وانا من شانها مع غيرها لا ما حسبت حساب
اذا هاذي تحاكيني واذا هاذي تناديني
بنيت لحبها قصرٍ في قلبي مترف وخلاب
قصر بين القصور المترفه ما مثله اثنيني
قصر كانت به اركانه وفا والصدق فيه اطناب
سياجه اوردة قلبي وحرَاسه شراييني
تعبت ازرع شجر ارض المحبة والقدر حطاب
تعبت اعلق آمالي على شماعة سنيني
تعبت اقفل لحبي باب ويفتح للحسايف باب
تعبت اجامل النسيان اقول انه ينسيني
تعبت ادمح خطا كذب الظنون وأطلع الكذاب
تعبت اكذب على نفسي واقول الحظ يخطيني
تعبت اوادع الذكرى واحس بحرقة الأعصاب
تعبت اقفي عن اشواقي ولا تبغى تقفِيني
إلين اصبحت ما افرق ما بين الحب والإعجاب
يميني صارت يساري..يساري صارت يميني
غدت في قلبي الفرحة تشح وتعلن الإضراب
وقلبي مل من جرحه ولا به من يداويني
غدى قلبي مثل طفلة بريئة والجروح ألعاب
تبي تلعب إلين اتعب ..تعذبني وتشقيني
غدى مثل العقيم اللي تمنى نعمة الإنجاب
واذا أطروا له الإنجاب هلت دمعة العيني
واذا هاذي معاذيرك وهاذي كلها الأسباب
شموخي طالبك يا دمع لا لا تكسره فيني
انا رجَال ما احب الدموع اللي على الأحباب
اموت بعزّتي اهون ولا حبٍ يبكيني​

:king:​

 

[rd-19]

سبب اختياري لـ عنوان الموضوع
لـ حبي هذي وسماعها :er:

يجب عليك تسجيل الدخول أو التسجيل لمشاهدة الرابط المخفي

سراب وضحكة صفراء بلا رحمة وأمل كذاب
واحاديثٍ تدوس من البيـاض اللـون والمعنـا
تزور عيوننا نفحة هنا وتمـوت عنـد البـاب
وتذبح صادق النيـة وتسـري فـي مواجعنـا
نسد الدرب في وجه الظنون ونجرح البـواب
ونمشي في طريق الصبح لين الليـل يصفعنـا
مجانين البيـاض قلوبنـا تضحـك ولاترتـاب
ولو شمس الهجير تذيب املنـا فـي مرابعنـا
نفيض اخلاص نعطي من محبتنا بدون حسـاب
نحسب الناس كل الناس نسخـة مـن طبايعنـا
نرش الدرب للنشوان ولعينه نصيـر اهـداب
ونبكي لابكى المجـروح حـر بكـاه يدفعنـا
نحب النور لجل النور, لو نور النواظـر ذاب
تحملنـا عنانـا لـو غرقنـا فـي مدامعـنـا
لنا في هامة العليا سكن ومـن النهـار ثيـاب
ولنا من نفحة الطيب الشـذى والحـق يقنعنـا
نعيش اغراب بين الناس وان متنا نموت اغراب
وتنسانا العيون اللـي لجـل سلوانهـا ضعنـا
غلط لكن وشـالحيلة طبيعة والطبـع غـلاب
نتوب وننقض التوبة ونـور الصـدق يتبعنـا.. ​

 

[rd-19]

ياهلا ويامراحب

دوكم تعريب جديد للكاسبر الفضاوه لها دور

هههههههههه بعد الانتهاء من دهورت تعريب يونس ويطلع تعريب قروي بقراطيسه يتم صنع اداه مزوره ونشرها ههههههههه

 

[rd-19]

هههههههههههههههههههههههه

 

[rd-19]

:hh:

 

[rd-19]

ذكريات من الماضي

هي الذكريات تكون زينه ولو ان ذكرياتها مرره :q:

مشكله انك تجلس تستهبل على عيال اختك او اخوك و اهلك فضحوك قدامهم كههههههه

يعني ما اقدر اسوي فاهم قدامهم :bleh:

هو انا اسمع القصه منهم لكن مو متأكد :bleh:

كنت يومني صغنطوط حبوب >> اي هين :q:

كنت ارقى فوق سور البيت و عادي انقز على الجيران أسير عليهم ههههههه

مرة كنت راقي على المظلة و تمشى هذا و انا صغير ههههههه كنت أرقي فوق السور من غير سلم وكانت عن طريق المواصير هههه وهذا اللي قاهر اهلي

المهم على حسب الروايات اني كنت فوق المظلة كنت اكلم اهلي و اقول لهم ترى بطمرر للجهه الثانيه و كنت ناقز وأقول طرزان ههه :y: و اجيكم محارب على وجهي على الأرضين :er: وجلست بالمستشفى شهرين مدري ثلاث شهور و أسناني طاحت و شفتي انقطعت نصين :er: >>> لاتحوم كبودنا

بعد ماطلعت لقيت أبوي المواصير سكر الفتحات اللي فيها عشان متعاد اقدر أرقي ثانيه ههههههه

و عاد ان جلست استهبل عليهم يذكرونلي قصتي ههههههه وانطم وأسكت مثل قبل شوي قالوها لي :hh:


عاد عقلت ماعاد صرت أرقي وصرت حبوب زياده هههه

 

[rd-19]

عجل علينا

​

سأتكلم عن شخص من الاشخاص اعزه و احترمه كثيرا :king:
شخص بيننا دائما متواجد في منتدانا الغالي :y:
شخص متميز و مبدع و محبوب

​

لا يعرف اليأس و لا الإستسلام

يخفي بقلبه الشي الكثير

​

تمنيت اني اتعرف على شخصية اكثر و اكثر :bleh:​

هو متوكل على الله و مؤمن بقدر الله ، يعلم أن ذلك رفع في درجاته ، بذلك تحدى كل العقبات و وقف في طريق التحديات
و فجر ينابيع الابداع و جعل الصفحة البيضاء لوحات فنية تنبض بألوان الحياة . :y:​

اكتشفت فيه حب التميز :kmj-by0000 (72): و صاحب ذوق رفيع :king: ، لديه احساس مرهف :b: ، و نظرة ثاقبة . ​

خلال رؤيتك لأعماله تندهش من ابداعاته و تعجب بتصميماته :y:، متميز بـشروحاته و يقدم افضل الدروس بأبسط فكرة ​

شخص طموح ، لا يعرف الكلل ولا الملل

. ​

خلال معرفتي به ، عرفت انه شاعر

و كذلك كاتب

احببت اطرح شي من كتاباته لكن ارغب منه ان يضعها في مدونته k:​

كنت انتظر منه فتح مدونته هنا ، و اسعدني كثيرا في تصميم قد قام بالانتهاء منه لبداية مدونته لأفتتاحها :king:
وفرحت كثيرا بهذه الخطوة التي خطاها لأننا سنعيش بين صفحات مدونة رائعة ، لأنها سوف تختلف عن باقي المدونات في طرحها و و ابداعها وكلها من اعماله و ابداعه .​

وتفاجئت بعد مرور اسبوع لبحثي في ركن المدونات بأنني لا أرى مدونته قد فتحت حتى الآن

لماذا

​

من هنا اوجه كلامي لك

ايه أنت لا تطالع وراك ايه أنت

عجل علينا و افتح المدونه قبل ما اجي افتح راسك بأقرب شي حولي

​

<<<<< خربت الأخلاق هههههههه

​

 

[rd-19]

مشــروع القـرآن الكريــم

مشــروع القـرآن الكريــم :y:​

اضغط على الصورة يفتح لك الموقع k:​

يجب عليك تسجيل الدخول أو التسجيل لمشاهدة الرابط المخفي

 

[rd-19]

:hh:​

خذو من ذا >> جايب لكم حق زغنطوطين :bleh:​

 

[rd-19]

جايتني من موادع :d:

 

[rd-19]

‏​‏​‏​‏​‏​‏


مقارنه بين المرأة والجوال :

1- الاثنين يوجعون الراس :cr:
2-موديلاتهم كثيره ومغريه :kmj-by0000 (72):
3-فواتيرهم عديده ومكلفه :bleh:
4-دائما يرنون بدرجات وأشكال :d:
5-ميزتهم الكلام ونقل الاخبار
6-ذاكرة الاثنين قويه جداً :king:
7-الاثنين ماتستغني عنهم :b:

بس الجوال فيه ميزه تتفوق على المرأة
تقدر تخليه صـــامــــــت :bleh: :y:

 

[rd-19]

​

مراااااااحب نفرات ​

ياشين يوم الاربعاء ههههههههه وقمه الفضاوه :hh:​

المهم جالس اتصفح منتدى زيزوم واسولف بالمسن ​

المهم و يرن

و اطالع الرقم غريب :?: من متصل بذا الوقت واخر الليل ,, قلت خلني ارد ​

وارد ويسلم علي الرجال هلا والله شخبارك هاه كيفك حسيت انه يعرفني
ههههه قالي من وين :q: قلت من الشرقيه >> موب ينصب عليه ابد :hh:
وانت قالي من الرياض و ياهل بأهل الرياض :d:
قالي انا حاس ان رقمك المميز موب صاير بنت هههههههه
شوي ويقلب صوته صوت بنت :hh:
قلت اصبر وراك ماكلمتني ببنت :hh: قالي انت قايلي انك بنت
قلت اي وسع صدرك وش اسمك ,, خالد ,, الـ ​

والنعم والله اصلن انا من الشرقيه ساكن بالرياض :hh: هههههههههههههههههههه
وهو صحيح عائلته من عوائل اهل الشرقيه :kmj-by0000 (72):​

وهو يسولف و انا اسلك :y:
كيف معاك الشات وو ,,,,
قلت اي شات !! قال مو انت بشات الـ ...
قلت لاا قال اجل شكلي غلطت بالرقم شوي بتأكد من الرقم ​

وسكرها .....​

اتصل علي :y: قاااااااالي خلاص غلطان بالرقم و صارت بـنت
متشقق الولد ومبسووووط خخخخخ​

يالله اجل معليش على الازعاج ​

وسكرها ​

تتوقعون يتخرفن .!! :?:​

: ​

 

[rd-19]

احلى خميس

:d:​

هلا هلا بكم كيف حالكم كل من يمر هنا
تقييم الله يخليه ​

اليوم بمناسبة فطسة اللي صورته فوق :hh:
قلت بكتب بالمدونه والله يجزى خير من ذكرني
ان عندي مدونه :kmj-by0000 (72):​

بحكي لكم عن اليوم ​

اليوم الخميس
هو تكون جمعه اسبوعيه لين تطفش :d: ​

مريت لي ثنين اول شي ورحت لمحل الجوالات بشتري جوال موصى عليه :q:
رحت وشريته وخلصت وطلعنا ​

وحنا متجهين للموقع اللي نجتمع فيه
قلت وش رايكم اتصل على بسام يجينا هو عاد عزيز و وغالي على قلبنا و جلسته
ندورها دواره :b:​

قلت بتصل عليه خله يجينينا قالي فهد اي اتحداك ان جاء :cr:​

قلت ابد خلني اكلمه بس اسكتوا لين اخلص :hh:​

اتصلت عليه ..
ترن ترن ,,, الوو
أنا ,, السلام عليكم
بسام ,, وعليكم السلام ياهلا
أنا .. ياهلا والله شخبارك
بسام ,, والله بخيير وانت بشرني عنك
أنا ,, الحمدلله بخير , ترى قريت كلامك اللي بـ تويتر ياهوو صراحه جد جد اشكرك عليه , وكلامك اسعدني كثيير ,,
بسام ,, شلون شفته ,, ​

(فاصل)
<< مسجل حساب فيه منذو مبطي هو مسجله لي و حاط اتبعه .
وبعد ذيك الايااام وأنا ساحب على الحساب ولا ادخله :q:
تذكرت أن عندي حساب وودي ادخل لكن نسيت الأسم و الرقم السري :i:
واكتب الايميل ويجيني الاسم و الرقم السري :y:
عاد كل ذا عشان اجرب برنامج توني مركبه خاص بـ تويتر وودي اجربه
الصراحه البرنامج اولا خطير على جهاز الايباد و طريقة عرضه
و فتح الصفحات و التنقل ممتع جداا ويفتح النفس
وافضل بكثيير من تصفح الموقع نفسه :kmj-by0000 (72):
وأنا داخل رحت لم صفحة بسام وشفت وش اخر شي كابته :d:
طيب شلون عرفت انه يقصدني بكلامه !!
ذكر اسم المطعم أفوكادواللي تعشينا فيه قبل 3 ايام ​

:hh:عدنااا:hh:
أنا .. (قلت له كيف عرفت)
بسام ,, اهااا
أنا ,, طيب عندك شي الحين , وش جالس تسوي ,,
بسام ,, ليه وش عندك :i:
أنا ,, عندك شي لو نجتمع انا وياك نتقهوى :q: ويكون المكان بيني وبينك ونتعشى
بسام ,, اوكيي ماعندك مشكله ,, ​

أنا ,, :hh: زيين تعال بـ ببيت فهد الحين >>> فهد ضحك :q:
بسام ,, مشواااار
أنا , نص المسافه اللي تكون بيني وبينك هو عند بيت فهد
بسام ,, :cr: حس بـ الوهقة قال طيب زين زين حدي لساعه 11
أنا ,, تعال انت الحين وارجع بـ اي وقت تبي :hh:​

اجتمعنا ,, و الباقي مايحتاج اقوله :bleh:​

المهم
و قررنا على 12 نروح ندور لنا عشاء بما طقنا الجوع
ونبي شين يسد الفراغ اللي بكروشنا :bleh:​

ونقزنا بالسيارة , وتحركنا
ويجيك ذاك السؤال اللي هو جوابه صعب جداا :cr:
س/ وش نتعشى ....... :er:
هناا عااااااد يبي لك وقت عشاان تقرر وش تبي
ومالك الا فرفره بالشوارع ,,
لين نجمع على كلمه وحده :er:​

قررنا للمطعم وحنا متوجعين له ,,,
واحد من حبايبنا قال شباب ترى اليوم عشاكم على حسابي :y:
و هذي بمناسبة
VVVVVVVVVVVVVVVVVVVVVVVV​

​

ههههههههههههه والله طلع فيها مناسبات :hh:
عاد وش تسوي خخخخخ
هذي حال الدنيا يوم لك ويوم عليك :q:​

عااااااد ويرد الثاني قاااااال و انتم عشاكم علي ان شاء الله بمناسبة
VVVVVVVVVVVV​

وننتظر بفارغ الصبر على هذي المناسبة ويارب تكون قريبه العزيمة :hh:


وبعد مادخلت البيت لقيت جايتني هدية :b:
ياجعل من اهدانياها كل خير و يوفقه
ويسعده ويحقق له مايبي
ويسهل اموره

هديتي
VVV

​

اشوفكم على خير :d:

مع السلامة ​

 

[rd-19]

يقول ( شكسبير ) عن الفراق :
إذا جلست يوماً وحيداً..
تحاول أن تجمع حولك ظلال أيام جميله..
عشتها مع من تحب..
أترك بعيداً كل مشاعر الألم..
والوحشه التي فرقت بينكما..
وحاول أن تجمع في دفاتر أوراقك..
كل الكلمات الجميله التى سمعتها ممن تحب..
وكل الكلمات الصادقه التى قلتها لمن تحب..
واجعل في أيامك مجموعه من الصّور الجميله..
لهذا الانسان الذي سكن قلبك يوماً..
ملامحه و بريق عينيه الحزينتين..
وابتسامته في لحظه صفاء..
والأمل الذي كبر بينكما يوماً و ترعرع..
حتى و إن كان قد ذبل ومات !
​

 

[rd-19]

اعجبتني

ثور يا الشعب السعودي ثور يكفينا سلام
لا تعدي موضة الثورة وتاريخك خلي
وش تقول لجيل بعدك لا توجه بالملام
ليش ساكت عن حقوقك ثم تبلاني بلي
يا جهاز الأمن . . حدك ما تركب لي لجام
وجوف صدري من مجاهيم الهموم مثقلي
لا منادي لطائفية ولا منادي لإنقسام
وكان ما جاز إلك قولي بعد قافي ناد لي
ثورتين ن با تزعمها و يا الله فالهمام
قبل تتطور بنا الاوضاع بيد مهبلي
يا السعودي خاف ربك حسبتك ما هي تمام
كيف مع زود الرواتب تعجزك قيمة طلي
الرواتب في تساوي قل على السلم سلام
والدليل إن المواطن بالقروض محملي
* * *
قوموا الثورة على التجار لا ترخوا الزمام
كونوا ثروة من جيوب السكوت العزلي
كل تاجر له سياسة كيف يرمي بالسهام
إن أصاب أرخى رحاته و إن خطا كسبه جلي
ما يفرق لقمته هي من حلال او من حرام
عضو فاسد فالجسد لا ما برى يستأصلي
ذا ليا كنا كما قال النبي بمغزى الكلام
فالتراحم كالجسد يشكي ليا جا مشكلي
* * *
و ثورة ن يم التجارة عندنا نقطة نظام
لا رقابة و البضايع كل يوم ن تعتلي
و الغريب أكثر تفاوت فالسعر عند العوام
في محل السعر يفرق عن محل مقابلي
يا الموظف بالوزارة و يش معنى الانهزام
لا سألك الشعب وين أصواتنا ما توصلي
أنت بالأول مواطن لو بمبدأ الانتقام
لا تناصف شهرك اتدور لقوتك عايلي
و انت بالتالي موظف ليه ما شفنا اهتمام
منت مأجور ومكلف وعن معاشك تسألي
يعني متضرر مثلنا وبالعمل مهنا التزام
فالأمر شك ن وريبه ، يا عسى ما استأصلي
* * *
يا وطنا ما قصدت نثور في وجه الإمام
ما لنا عنهم غناة و حن لهم شعب امثلي
لا حشا ما ني مؤيد ما بعد جاني انفصام
كيف أفرط في بلادي والهوان معد لي
واختم أبياتي بذكر الله جلاي الظلام
كافل الأرزاق وحده خالقي نعم الولي​

 

[rd-19]

حاول أن تخلق الهدوء :
في تفكيرك ،
حركتك ،
نبرة صوتك ،
إنجازك لعملك ،
حوارك مع الآخرين ،
حتى وقت مرحك ، ♥
ستجد نكهة جديدة تتسرب لحياتك ..♡


د/ سلمان العوده


ياصباح الهدوء

*

 

[rd-19]

نحن على وشك دخول عشر ذي الحجه
وعشر ذي الحجه اقسم فيها العظيم ملك الملوك والعظيم لايقسم الا بعظيم بقوله تعالى {وَالْفَجْرِ (1)وَلَيَالٍ عَشْرٍ (2)}
ونهار عشر ذي الحجه افضل من نهار العشر الاوخر برمضان
فهذا موسم ومحطه نعبي فيها حسنات لما بعد الموت هناك طريق طويل لاتنسوا صيام عرفه يوم١٢/٩ فانه يكفر السنة الماضيه والمقبله