مدونة أطخم وحده >_<

[a7la tagred]

مرسي يا صاحب التقييم الزين

اليوم دخلت هنا من اجل اني اشكر شخص ما كثير يقييمني وعيباه وانا قليل ما اعطيه انقاط

ابقول لهذا النفر من جد مشكووووووووووور جعل كل نقطه تجيني تجيك بدالها حسنه وه بس <<اخنقتني العبره من تالى صايره حساسه الله يكفينا الشر


المهم تراني ابي ارد التقييم بس مايحصل لي ادخل كثير المنتدى وبعد تقييم مايوكل عيش الله يخلف بس

:er:


------------------------------------------------------------



والي بعد الخط هذا لبنت عمي العنز
تدرون ياجمعه الخير والربع السنعين انه جيتني بالتقييم تقولي <<دوتس >> يعني هاك يعني خوذي خوذو عاد انتم الكلمه الي عرفتوها <<اقالها ترجمت

المهم ليه تعطين من غير نفس ليييييييييييه تحسسني تسذا لييييييييييييييييييييه لييييييييييييييييييييه


ليه تسذا يابنت العم <<احس بتقولي الفقيها ونخسي بس مايهم المهم قلت الي يقرقع بالقلب انا مير الله يلقاني من كثر الكلام الي بقلبي يقرقع ولا طلع صار قلبي مخرم من كثر القرقاعت الي جته يالله دنيا رايحه ومريوح عنها :f:

 

[a7la tagred]

نوف لاعمرك تعودين له تسمعين

السلامن عليكم ياعرب

كيف الحال والاحوال والجوال والويتس اب وكل التطبيقات

انا ياخواني بالله منذو قديم الزمان مادخلت والسبب مدري ماصرت يوم مروقه وانا شخص يصعب انه يتعدل مزاجه

<<مزاج عسر الله يكفيكم الشر عاد شوفو انا اسب روحي عادي يجي احد يسبني افضخ وجهه فضخ

احس اوجيهكم صارت كذا

هههههههههههههههههههههههههههههههههههههههههههههههههههههه



اليوم قررت اني اسدح سالفه صارت الاسبوع الي راح بيني وبين نوف وحلفت حلف اني لا افضحها هنا



والسالفه مثل ماذكر تحت الخطيط ذا:i:

________________________________________

بسم الله
خلاص قرارت القرار هذا اني :bleh:
ابفضح نووووووووف بين الله وخلقه قهرتني ياجماعه الخيييييير وش اسوي فيها الادميه ذي
ياويلي بتموتني ناقصه عمر المهم انتو اسمعو القصه وقولوا رايكم هو شي يغث او لا:er:
السالفه ومافيها فيه ماده مشتركه بين قسمي وقسمهم :no:يعني ندخل كلنا محاظره وحده :no:قسمي وقسم نوف ودراسات وعربي وانقليزي <<لو مابوه بنات العنقليزي اهون على قلبي يهرجون لغه مالت علينا المهم لا نطلع برا الحديث ونخوض الامر بشي ثاني <<بالله وش رايكم بنخوض :d:
ايه المهم قلت لنوف اذا دخلتي قبلي خوذي لي مكان عندك ناويه اقرق والعب بالمحاظره :d:لانها شبكه يعني دكتور عندنا يطلع بالتلفزيون وعندنا مشرفه تراقب الوضع وتسكت العالم وتاخذ الحضور
المهم نوف راحت هي وصديقاتها يوم رحت انا وصديقتي لقيت نوف ماخذه المكان الي ورها تقول مالقيت لك مكان بجنبي عنززززز المهم جيت وجلسنا انا وصديقتي انا والبنت قرق قرق
من يوم مابدت المحاضره بصوت واطي واحش :d:واحش :d:واحش:d: الوكاد اني وزعت حسنات مو بسهله الله يهديني :no:
اطلع نوف وشوفها حاطه راسها على الطوله ونااايمه والقاعه مافيها الا همس يشجع الجو على النوم والغطات بس نوف غطتها مو غطات سهله المهم المشرفه بدات تحضر مو تحضر جن ههههه اوادم خلق بشر
جت عدت الكشوفات بدت تعد انا قلت اكيد نوف تسمعها مو معقوله نايمه نوم صدقي وصلت لنوف نووووف نوووف انغز البنت من تحت ماودي اهرج ولا الج القاعه زحمه بنت بنت ودي اقوم اسحب شوشتها وصكها بكتابي المشرفه تعرفنا مو قرابه لا كذا معرفه بالكليه قامت ووقفت عند نوف
هنا بدت المعاناه القاعه كلهم عيونهم علينا وبدت الاصوات تسرسر من حولي اااااه قالت المشرفه
بسسسسسسسسسسسسسسسسسسسسسسسسسسسسس ووقفت عند نوف يعني الي ما انتبه ينتبه انقهرت منها عطيتها نظره
من قلب كني اقولها خير الي مايشتري يتفرج يعني لازم تفضح بنت عمي
المهم
وتطق الطاوله عند راس نوف المشرفه ذي مرات تقلب نفسيه غريبه انا بديت اتلفت العيون كلها علينا وانا اقول بقلبي اشوني وراها كني مو تبعها المهم وتصر المشرفه طق طق على الطاوله قامت الاخت نوف بس وش سوت طلعتها بعين مقفله وعين مفتوحه وتشر بيدها تقولها اصبري اشوي بس
وتنسدح مره ثاني الاخت بالله قالت المشرفه خيييييييييييييييير ان شاء الله وتهز بخصرها مير انسلح من فوق الكرسي وامسك مذكررتي اوغطي وجهي قالت صديقتي شوفي حل لبنت عمك والقاعه قلبو ضحك قلت لاااااااااا ما اعرفهااااا العنز ذي :er::er::er::b::b::b::b:وبعد فيس:b:
وصديقتي تضحك مير اقول انطمي لاتضحكين على بنت عمي <<جتني النخوه
المهم قالت المشرفه بصوت حسيته هز الارض تغريد قومي بنت عمك تحسبني امها ازعدها
ازعدها = يعني اقومها :cr: اصحيها قيت اب ...الوكاد انه تزعدها
مير اتواسى عرفت انه بوه هوشه قلت انتي الحين وش فيك علينا تهاوشين الامر مايحتاج كل هل الهواش والعصبيه <<اقعععععععععععععععد يا القويه :d:
مير اوقف ومسك نوف من ارقبتها وطمس عليها وقول بذنها يااااااااااااعنز حنا بالقاعه وكل الناس عيونهم علينا يرحم امك قومي :er:وتفتح لانه كنت عارفه انه هي مو مستوعه انه بالقاعه والقاعه زحمه
قامت وكانها ماسوت شي تزين شعرها قالت المشرفه نامي بدري المره ثانيه قلت خلاص عاد هاوشتي وقضينا <<خربت الاخلاق
عاد هي اذا احد هشها انهشت
قالت نوف للمشرفه الحين دام انك عارفتني ليه الازعاج حطي صح عند اسمي والسلام هههههههههههه لها وجه تجادل
قلت انا اندري عنها :i:
مير تدحدر المشرفه لاخر القاعه وتكمل بس حق الفضيحه تجي تركض <<حسيت يوم قلت تدحدر كني اهرج عن تريله ههههههههههههههههههههههههههههه
هين حق بنت عمي ابخذه من اعيونها تصبر بس اصير بقاعه بس بنات قسمي والله لا اصرقع بها لا اطلعها تصيح ههههههههههههههههههههههههههه

قهرتني القعره ذي


والى اللقاء في الحلقه القااااااااادمة

 

[a7la tagred]

يجب عليك تسجيل الدخول أو التسجيل لمشاهدة الرابط المخفي

يوه الفيس هذا

ضيق صدري صدق وش الفيسات لك


شوفي اعشيك عادي بس اشحن لك لو تنقزين لو تطيرين مو شاحنه مو نجاسه بس ماعندي خمسين

معي اربعين وجوالي مابوه شحن له حول شهر اطلبي وجبه بعشرين وانا عشرين وحبي ايدك مقلوبه وترا بعد خمس طعش سرقتها من مخبات اخوي يعني مال حرام تبين على عيني ماتبين اطلب انا به من البقاله خربيط

واذا طبتي قولي له يجي من باب قرش لاحد يدريبه الحين يقلون من اين لكي هذا ههههههههههههههههههههههههههه

 

[a7la tagred]

طرخخخخخخخخخخخخخخخخخخخخخخخخ<<<كسرت باب المدونه مافيه وقت افك القفل

يجب عليك تسجيل الدخول أو التسجيل لمشاهدة الرابط المخفي

اقول لا تهكين علي تقولين انك تحبيني ماني بقايله حبتس برص وعشره خرص

قالت سودا القلب حطتك اها بس عن الكلك الي مدري وش معناه

ولا تطبعه باوراق مورده وملف بوه حتسي عنقليزي مسويه به كشخه اهجدي على جنب

الحين يوم انك تقولين لا عمرك تعشيني وش يفكني لو ماجبتلك والله تكلين اكلي ولا ياكبرها عند الله
تقول اكلت المطبق بالغصب


تسذب تسذب اكلت صحنين لها وطبت معي وشربت ببسيها تخرط خرط الله مصران العدو بلاااااااااا


اخخخخ لو اني مصورتك اثبات ودليل قااااطع ماغير تعصر باليمون وتاكل اهرجها ماترد مشغوله ماغير تقولي طوط طوط <<هذا اشاره عندنا انه مشغوله ترا



ههههههههههههههههههههههههههههههههههههههههههه



هههههههههههههههههههههههههههههههههههههههههههه

 

[a7la tagred]

تنبيه >>>>تراني مفهيه اليوم خلصت من الاختبارات يعني يمقن ما افهم كلام احد من اول شي فا ارجووووووو الوضوح بالكلام وعدم التميلح وتجديع الهرج على بطريقه غير مباشره من الحين اقول

سلام العشق وأعماقه ... يضم القلب وأشواقه .. تجيك الروح مشتاقه ... وتهديك القصيد ألوان ... على درب الهوى جينا .. من أول ما تلاقينا ... تغير كل ما فينا .

ياااااااالبييييييييييييييييه :getsmile.tmp0014597
اخباركم كل ابوكم وكل اهلكم والى يعزون عليكم
انا اليوم يالربعات ولا يهنون الربع بعد هم اخوننا بالدين <<لاحد يشرره مثل ماقلنا اني فاصله بعد الاختبارات الا الحين ماوصل الارسال

ايه انا حبيت ادخل اليوم بما اني فضيت ولا بوه مكان اروح له غير مقابل خشة بنت العم نوف الدبه

المهم الزبده اني صاير لي موقف شنيييييييييع قسم بالله يالربع بغيت امووووت والله العظيم اني شفت الموت بعينه وعلمه
وه وه وه
وش السالفه انا اقولكم السالفه من طق طق الى السلام عليكم
اااااااااااااه واي سالفه طلع الظهر بي خصله يمقن خصلتين من الشيب

حنا ياطولين العمر جدتي ماتحب الدفايه الزيت ولا الكهرب ولا تحب تشغل المكيف على الدافي
ماتحب الا دفايه غااااز ربكم واحد متنحه تتنيحه وحده ماتشغل الا غاز الى من يوم عرسه هي وجدي مصديه قدييييييييمه المفروض ذي بالمتحف على طول
وانا قلبي مو مرتاح والله العظيم اني دايم اتهاوش انا وهي عليه احس انه بتنفجر يوم وطلع احساسي بمحله
نعممممممممممم بغينا نحترق :getsmile.tmp0019147<<وه ياشينه ذا الفيس يحسسني انه واح اضعف مهكوك عليه وه بس ينرحم
انا لي فتره ماانام زين وتعب وقلق ونومي اشوي يعني النفس بطرف الخشم لو توقع على ذبابه هاوشتها
المهم
يوم الجمعه الى راح بعد ماصليت الظهر قلت ابناااااااااااااام نومه معتبره وقوم اكل شي وجلس اذاكر مسويه جدول صارم لنفسي اني غصب انام المهم صليت ونسدحت ابنام تقلبت الى 2 نمت قمت الساعه 4 على صوت امي تصررررررررررررررررخ بصوووووت اتوقع امريكا اسمعوه تقول تغريييييييييييييييييييييييييييييييييييييييييييييييييييييييييييييييد وهي تحت وانا بغرفتي ومقفله الباب ونايمه بعمق شدييييييييييد
فتحت عيوني انا على صوتها لاني اعرف صوت امي اذا صارت خايفه يصير صوتها عالى وحاد قمت وحسيت انه بوه شي بس ماتوقعت الي صاير
توقعت والله دخل علينا رجل لانه ابوي وخواني مو موجودين بالقصيم مابوه الا واحد من اخواني وقلت اكيد هو طالع برا
كذا جاء ببالى عاد لاحد يشره على تفكيري اختبارات ومفهيه وقمت على هبله
المهم يوم سمعت صوتها واجدع اللحاف وانقز ووقفت على السرير انا كنت نايمه بالمقلوب يعني راسي مكان رجليني ورجليني مكان راسي
وقفت وركضيت وش صار خميت الجدار مير اديور بسرعه ماوقفت اتحكك مابوه وقت السالفه به فزعه:getsmile.tmp0014402

وانقز من السرير وفتح الباب واركض بالدرج والله اني اناقز مناقز من السرعه مير وانا اركض بالدرج على لفه اخوي يركض وراى انا ماشفته وكنت اقول بقلبي ابركض بسرعه وانط على الحرامي وخلي امي عقبه تولا المهمه
يوم نزلت وش اشوف
امي ماسكه لي <الهوز>حق الدبه الغاز حق جدتي ووجهها اسود تقول قبت قبت
يوم دخلت الغرفه ابشوف به احد او لا اثر الدفايه مولعه نار انا وقفت اطالعها ابستوعب النار واصله السقف انقلب لوني اصفر الظاهر انه انقلب شفاف من الروعه:kmj-by0000 (23):
مير يجي اخوي يركض ويقفلها لها مفتاح هي
وتنزل النار بس فيه نار وبدت تاكل من الفرشه :getsmile.tmp0019036
ونركض انا وهو ونجيب ماء انا رحت للمطبخ اجيب جيك ماء مابوه الا نقطتين يوم شافني لعني وقال خبله انتي وجاب ماء كثير
انا من زود الدباشه اقول ماني كابه على الدفايه على طول اخاف تقبع علينا
قمت اكب ماء على الفرشه ويجي اخوي ويكب على الدفايه ماء
وحنا كذا نكب من الماء مادرينا الا بخالتي اللي هي ام نوف داخله مفرعه الجلال على الكتوف زينه ومعها الهوز حق الي الحوش طوييييييييييييييييييييييييل تركض واختي واقفه عند المفتاح وتصرخ خالتي افتحي المويه وتفتح اختي يوووووووووووووه غرقتنا انا واخوي والدفايه والغرفه كلها
وتجي الدبه نوف متلثمه بشرشف الصلاه والبجامه تلوح بس بلاغه ولقافه بتشوف السالفه يوم عرفتها قالت الحمد لله على سلامتكم ويلا بروح اذاكر دبه هالبنت دووووووووووووووووووووووبى ما تضيع وقت الدافوره هههههههههههههههه
وش عرفهم لان خواتي يوم ولعت طلعوا يركضون وتركونا انا وامي واخوي وجدتي اول من فركلها هههههههههه هذي اللي ما تقوى تمشي او الموت حمر

ماردها الا بيت عمي المهم طفت النار وهديناوقفلنا الاسطوانه حقت الغاز وجلسنا يوم هديت ولتفت لامي وقوله ليش تناديني انا كان ناديتي احد غيري اقرب لك مني قالت ماخطر ببالى الا انتي <<امي قهرتني بالشي الي بوه موت وحياه تناديني ولا غيره تسحب على ولا تجيب خبري
وه وه وه :er:
عاد من القهر قلت لجدتي يوم دخلت علينا وعيوني يطلع منها شرار من القهر
قولي ابي دفايه شوفي وش يصير حتى المكيف لا تفتحينه اقعدي اجمدي كم يوم عقاب لك
والله قهرتني راس يابس لاهي ولا امي وافق شنن طبقه :cr::i:وبسسسسسسسسسسس
ايييييه الشفاله ههههههههههههه سالفه لحالها هنديه هي وخبله مره يوم ولعت الحريقه اول ما اولعت الدفيه طلع نار كبيره يقولون خواتي اجدعت المكنسه وركضت وسبقت جدتي لبيت عمي ودخلت المجلس حقهم وفتحت الدريشه تتامل من بعيد
وخ قهرتني هي وجديلتها مره جريته له تضاربنا هههههههههههههههههههههههههههههه ربيتها بعيدن اعلمكم سالفتها :kmj-by0000 (55):
ايه حتى ام نوف جت لمنا تركض تقول اتركو بيتكم وتعالو عندنا كيفه لاتنفجر الدبه ويجيكم شي
وبسسسسسس وهذانا ماصار لنا شي وجيت اقص لكم القصه هع هع هع هع هع هع :kmj-by0000 (72):

نصلح نشتغل فريق بالدفع المدني <<<:f:

برب

 

[a7la tagred]

يلبى مزرعتنا بس

يا ليل............... خبرني..................... عن............................ أمر المعاناة


ازيكو يا ربعات ولا يهنون الربع

انشاء الله الجميع بخير وصحه وسلاااااااااااااااااااااااااااااااامه


ذات ليله وذات صباح وذات مره وذات الذتات وكل الذاتات بالعالم <<تسمعين انتي بشي اسمه سامجه يا ام السماجه انتي


المهم ابسدحلكم صور صورتها من درشيه <طاقه نافذه >اليهو الزبده


كنت مصوره مره صور كانت ضايق صدري مدري وشبي بس الوكاد اني طاقه تسبدي ومير تجبني فكره اني اصور الناااافذه <<ياشيني بعد وانا اقول النافذه بعد

<<مير ذي يوم شفته عقب التصوير حسيت اني بسجن مو دريشه الله يستر علينا ياكافي

وه اخيرا صغرن الصور :hh:

فهد مشكوووووووووووور طنكيووووو يا اخي انتي انقذت مدونتي من التشوه ياجعل ربي :d:

يصغر اذنوبك ويكبر حسناتك :q:

 

[a7la tagred]

ترا الصور الموجوده في الرد السابق ببيتنا الي بالمزرعه

مصديه من سن نوح ماغيروها مت وانا اقول زينوه يقولون اهلي من بيجي له مابوه احد يجي له غيرنا



يالله النجات من النار بس

 

[a7la tagred]

خلووا البساط احمدي

ياااااااااااااااااااااااوليييي طفشااااااااااااااانه الطفش بيذبحنييييييييييييييييييييي :er::er::er::er:




بسم الله

صلااامن علااااكم :d:


كاف الحال ان شاء الله اموركم زانه :q:


تعالَ فـي موعِـدي
تـوِّ الهَـوى يبتِـدي
إضحك و سولف معي
خلِّ البساط أحمـدي



وخلووا البساط احمدي



في قلبي شُوق وكَلام
وإنتَ في قلبك غَـرام
ذوِّب جليد الخِصـام
بإحساس دافي نـدي



وخلووا البساط احمدي



بيني وبينـك حَنيـن
صَادق وعِشرة سِنين
لاتشمِّـت العاذليـن
تعال وأحُضن يـدي


وخلووا البساط احمدي


بعيـد وإلاَّ قـريـب
عن خاطري ماتِغيـب
خلِّ المحبَّـه تِطيـب
وإنسى الزَّعل سيِّدي


وقلنا خلووا البساط احمدي



ااااااااه يازين القصيده هذي والله انها زااانه

 

[a7la tagred]

مممممــــدخل:: { الي يتكبر على الناس هم دنيا تذله يمر وقت العسر بيه واصحابه تمله : بالك تهوى وتطيح ريش انت بوسط ريح واخاف عليك تعثر


هلا هلا تنكس تنكس


روووح

<<ادري الاغنيه ماله دخل بموضوعي الي ابقوله بس جالسه اسمعها <<والله يا انتي اشويه عليك مغبره

كيف حال الجمييييييييع ان شاء الله الكل بخير وسالم <<اتمنى هذا

المهم اليوم طلعنا برا البيت بخطه مسبقه منا يا البنات انه نروح لمهرجان الغضاء

وبعد ما نخلص منه نرجع للبيت يعني مايبيلها تفكير المهم بعد ماطلعنا قالت نوف بصوت يالله اكاد اسمعه تغريد وش رايك بعد ما ننزلهم نروح للمطعم انا يالله بالله سمعتها اختي جالسه ورانا امسكت راسي بيد واليد الثانيه راس نوف وتقول حنا معكم ماااافيه روحه بدوننا عاد كانت معنا بنت عمتي بالسياره افففففففف والله من ثقل الطينه تخيلوا من ركبنا السياره ونزلنا بالمهرجان وتمشينا واشترينا اغراض وجلسنا وتقهوينا وتحلوينا وتشهوينا = شربنا شاهي وتفشفشنا = لكلنا فشفاش وركبنا السياره نبي نرجع للبيت وهي سااااااااااااااااااااااحبه علينا ما غير تضغط بالبلاك ضغط الله خشت الظالم

ويوم سمعت طاري المطعم التفتت علينا وقالت هاه بنات وش برنامجكم الليله مير التفت عليها قلت وشتبين انتي الحين مير تقبصني نوف يعني اسكتي بس تخيلوا وش ردت ثقيلة الطينه قالت من كلمك انتي ؟؟

مير تنطلق عليها نوف يا ويلي اذا عصبت محد يقدر يردها هههههههههههه
قالت اول شي اكربي حنكتس اذا تكلمتي وتكلمي بالتسااااء عشان نعرف ناخذ ونعطي معتس هههههههههههههههه
والله زين انك تكلمتي أحسب ناسينك بالبيت والا يوم بدت تلقط وجهها ما تدري وش تقول قالت انتم جوكم غير جوي قالت نوف احلللللللللللللللللللللفي قولي قاااااااااااااااا ليه انتي انتي بالشمال وحنا بالجنوب ؟
وبعدين رحمتها قالت نبي نروح لمطعم اذا تبين تجين حياتس الله ههههههههههههههه قات وين ما تروحون انا معاكم


بغينا نتهوش بالمطعم الا ثلاث ارباع بعد اشوي اقولكم ليه ما احبها

المهم قلت نوف خلاص نروح كلنا بدون بزارين بنروق قلت خلاص


المهم بعد الطلب قمنا نغسل يوم جيت اقولهم اسمعووووووووووو قبل الاكل ابصور لازم أعطي تنبيه لهم

ولا اذا شافو الاكل بيسحبون ماكني اهرج ههههههههههه

المهم اول ماوصل الاكل قمت اقزع اديهم ووقفت على الكرسي اصور علشان الحماس تعرفون والطول لكم عليه هههههههههههههههههه

المهم وانا منسجمه اصور جلست تتفلسف بنت عمتي تقول حرااام التصوير مير التفت له قلت من الى يقول حرام

قالت الشيوخ قلت اقول كولي بس قالت ايش حرام ترا نصور اكل ماصورنا اوادم ماتشوفين

مير تمسك ارضها وقامت تاكل ههههههههههه

المهم وهذي اصور وه بس
صوره قبل الهجوووم

وهذي بعد الهجووووووووووووووم الشنيع

هذا فيض من غيض ترا

 

[a7la tagred]

امااااااااااااااانه مايطلع احد من هنا الا ذاكر الله علينا ترا يوم ندخل ميتين جوووووووووووووع




وه مدونتي متى توصل 4 صفحات مصختها عاد

 

[a7la tagred]

الحين ليه دايم دخل مدونتي زوار موضوع استقبال مثلا ولا حطه توزيعات سجل دخول وقييم بس يشرف على ويروح ترا منت محلل ههههههههههههههههههههههههههههههههههه

 

[a7la tagred]

الذين يشاهدون محتوى الموضوع الآن : 2 ( الأعضاء 1 والزوار 1)


سبحان الله يعني لزم يصير بوه زوار حتى الظهر <<ممنوع الزياره الحزه نيااهههههههاااهههههههه