عاشق عفاف
زيزوومى مبدع
غير متصل
بقولكم سالفة صارت قدامي أمس وأنا جاي من الدوام وقفت عند احد مطاعم الفلافل وهذا المطعم جديد وأصبح له صيت في حينا المهم وأنا كنت جالس انتظر الطلب
وقف راعي سيارة ونزل وطلب والمهم الشاب هذا سأل العامل السوري ليه لابس قفاز واحد جاوب السوري هذا اشتغل فيها وهذا أحاسب والمصيبة العامل السوري وهو يتكلم
كان ماخذ الخبز بيده اللي بدون دسوس اوقفاز وحطة على الطاولة وقال الشاب وهو يضحك طيب ليه تمسك الخبز باليد اللي ما فيها قفاز السوري أنحرج وصار يبرر تبريرات مالها معنى وقال الشاب المفروض اللي يشتغل ما يحاسب يكون واحد ثاني
وأنا في ذيك اللحظة قلت فيه ذباب وخره عن الصواني وقال الشاب شف هذا زبون يقول عندك ذباب في المحل والعامل السوري شوي بيقوله مالك دخل تبي تأكل ولا الطلع برى والشاب طايح فيه
أسألة المهم من ضمن الأسئلة اللي كان يسألها وهو يضحك سؤال حسيت السوري منجد بينفجر وسؤال هو 'ليه منت مغطي شعرك'؟
وراح الشاب من ورى الكونتر يعني دخل عنده وارتسمت على وجه العامل علامة استفهام وتعجب كبيره وأنا قبله بعد وقال معك مفتش الصحية
هنا تعال شوف وجه العامل من زود ماهو احمر من النار اللي عنده وفوقه الإفحام من الأسئلة يوم سمع كلمة مفتش الصحية والله يا جماعة أن وجهه تقول طماطة احممرررررررررر وشهب وجهه
في نفس الوقت عاد تخيلو شكله كيف ومالكم في الطويله
المهم أن المفتش دخل جوا المطبخ حقهم وصار يعطي الملاحظات وطلع واحد من العمال
مجروحة يده وقال لا أشوفك هنا إلا لما تعالج جرحك هذا زبون يقصدني ترضى تأكل من يده قلت لا طبعن وسأل العامل الأول أبو وجه احمر مشهب اللي تقول كنه إنخرس
عطني شهادتك الصحية قال ما معي قال بعد 'إطلع بره أنت وياه'
المهم شب فيهم لكن بأسلوب جداً مهذب وفيه نصح وقال أنا ما جيت هنا عشان استقعد لكم لا أنا هينا عشان مصلحتكم ومصلحت الزبائن ولو الواحد جاه تسمم أو أي مرض انتقل عن طريق العدوى راح يدعي عليكم
وحتى يا جماعة آثار الحروق أزيت المتطاير اللي باليد يدققون عليها والبثور بعد
وأنا عاد
قاعد التفرج وطبعا ما فيه أمل آكل من عندهم مره ثانية
ويوم طلع الرجال قعدت السولف أنا وياه وقوله عن بعض المطاعم اللي تحتاج مراقبة فقال لا تعب نفسك أي مطعم تشوف علية ملاحظة اتصل على 940 وأعطهم اسم المطعم والشارع وإترك الباقي عليهم
المفتش كان معه ورقة قال
شف هذي الورقة هذا اسم المطعم وتاريخ التبليغ والملاحظات اللي علية وها أنا جيته وشفت وش صار بعينك
لكن يا شباب كان طريقة مداهمة الشاب هذا ذكية جداً أوهم العامل انه زبون عادي وبعدين طب علية حتى السوري يقول هذا مفتش بلدية ولا يتلقف علينا وعقب ما طلعنا حسيت أنهم يحسبوني متفق معه أو أني من البلدية بعد لأني كنت مرسم
وجالس معهم ومشيت أنا والرجال سوى وهذي فرصة وجت من الله كل فتره بطب عليهم وروعهم
ههههههههههههههههههه
ويا جماعة عليكم بكل مطعم أو بوفية أو مخبز أو غيره تجدون علية ملاحظة تبلغون
أنا أول ما كنت مصدق فيه مفتشين أقول كلام فاضي ما فيه رقابه ولكن شفت بعيني واليوم راح اللف المطاعم كلها أتصيد عليهم
بس لازم الواحد يراعي الذمة والضمير
وآسف على الإطالة
انشرها للمصلحة الجميع
k:.gif)
