امس فارقت الغلا ....,., ومفارق الخلان علهـ

[broom2020]

​

مما راااق لي​

والله انى كنت ألوم اللى يضيق أن غاب خله
لين جربت المحبه والفراق وقلت توبه ​

لعنبو جد المفارق فيه هم وفيه ذله
أثر كل الحب لذه والفراق أكبر عيوبه ​

امس فارقت الغلا ومفارق الخلان عله
والعلاج الوصل لا تبلش طبيب ولا حبوبه ​

الزعل هو سبه الفرقا يهز الحب كله
ليتنى طولت بالى قبل لا يعلن غروبه​

وآهني اللى وسيع الصدر.. صدره وسع فله
غلطه الصاحب تجى وتروح ماهى بمحسوبه ​

عارف قدره.. وقدر اللى يحبه فى محله
ذاك نفسه لا حشا ماهى على الحب مغصوبه ​

ليش تحسب غلطه الصاحب على الصاحب مذله
ليش ماتحسب ميانه لو تجى عشرين نوبه ​

لا وربى.. كنت أحبه حيل مادورت زله
لا تشكك فى غلاه ولا تساعد فى هروبه​

لايمى قبلك تعبت ألوم شعار المجله
وكنت مؤمن فى مقوله اعذب الشعر الكذوبه​

وأثر كلن فى حياته له تجارب مستقله
وانت لا تشره على مثلى وتبلا لك بحوبه ​

كان جابتك.. الحميه روح له تكفى وقله
لا يخلينى واذا وده يخفف من ذنوبه​

يستخير وله غلا قلب صدوق مايمله
فدوة له كل قلبي من شماله لى جنوبه ​

يوم قفى والخفوق يفوح عقبه فوح دله
وسط وقدرة واحد عز الشتاء والسهر دوبه ​

لا تقهوى بارده من برد فنجاله وزله
ثم قربها على جال الجمر وأرهى شبوبه​

وين يدله هالخفوق وكل مايدله يتله
طاري اللى ياكثر ماأتعبت رجلى فى دروبه ​

لا طرى جريت ونه من بلاده مستحله
مثل ماراحت بلادى مع شعارات العروبه​

كل هاجوس يجيبه جعل شعرى فدوة له
وأعذابى كل ماجبت لى الجبله هبوبه​

مشغلن قلبي بحبه دون خلق الله من الله
هيه ياللى ممتلكنى حسن وأسلوب وعذوبه​

ماسمعت ان الخوي له بالخوي تسعين زله
وانت طوف زلتى ياعل تفداك اللعوبه ​

صاحبي سيف الهجر لا صرت تقدر لا تسله
ماتظن ان العفو عند المقدره اكبر عقوبه ​

ايه انا اللى كنت ألوم اللى يضيق ان غاب خله
لين جربت المحبه والفراق وقلت توبه

اهداء خاص​

تحياتي للجميع
:km-0y00001 (116):​

 

[تكفيني الذكرى،،،]

كلمات قمـ‘ـه في الروووووعـ’ـه
لاكن !! قـ‘ـلـ’ـبت المواااااجع :er:

 

[لهب شمعة]

صح لسانك
روعه يعطيك العافيه

 

[abu_youssefabu_youssef is verified member.]

رووعة
الله يعطيك العافية
ودي وتقديري
​

 

[broom2020]

شكرا للردود
وآسف اذا ازعجت احد بالكلمات​

 

[:::DeadEnd:::]

تسلم اخوي عالابيات الروعة ,,


الله لا يبلى حد بحب واهي ,,,:d: